الديري الثبيتي غريب بجيزان

[متعب الدله]

كان الديري بن هزاع الثبيتي خوي مع محمد الاحمد السديري وكان ابوزيد هاك الوقت امير على جيزان الحاصل ان الديري كان برفقته بجيزان ويوم بقى اربع ايام عن العيد بغى الديري يعيد بين ربعه وجماعته بنجد بالداهنه تحديداً الحاصل ان الديري استئذن من رئيسه بالعمل والريس مابغى يئذن للديري بحجة ان اللي استئذنوا اذن لهم من اول الوقت قبل العيد بفتره ولا بقى مع الامير الا اللي ماله غناتٍ عنهم ورفض الريس استاء الديري من الرفض ماتعود عليه من قبل الحاصل انه راح ودخل على للأمير محمد السديري وقال هالقصيده

باكر ليا جا العيد وبلادك بعيـــــــــد........ مع من تعيد ياغريب ٍ بجيــــــــزان
ومع من تقول العيد مبروك وسعيد....... وتزاور اللي زارك الكل فـــــرحان
عيــدٍ بدار غيــــــرك ماهو عيـــــــد....... ولا الصيام صيام في كل الاوطــان
وشوفــك لهلك يجدد العمر تجـديد....... هم يفرحون بشوفتك وانت طـــــربان
وانا بـــــرجوا الله ثمـــــــن ببوزيد ....... من شان شاني يجتهد قد الأمـــكان
مثل اللذي قد فات عـــود وتراديد ....... وجه الــزمان شان وابوزيد ماشــان
والرخصة اللي بالقصى والتحاديد ........ مالي بها مطموع ياطير حـــــوران
لاصــار به معروف مع قصرة القيد ........ من لا يسوي ذنب محتاج غفـــران
اقعد ومثلي من قعد عند اجـــــاويد ........ انت المعزب واخويا الجم شلــــقان
ماوالله اوجس من قـــــربهم تناكيد ........ عيالٍ قروم وللخوي عندهم شـــان
ولابي محسه مار شـــوق وتراديد ........ وروابعٍ لازم تحــــــــرك بالانســان
انا ولدك ومنك يامطلــــق القيـــد ......... وديني على دينك وهو خير الاديــان
تمت ولا ودي على اللازم ازيــــــــد .......... ابيات رمزيه ومظـــــمونها بان

وأذن له الامير وقال رح عيد يالديري ولاتجي الا لياطاب خاطرك