ياصعبها لا شتاقت أرواح لأرواح

[خيال وفارس]

يابو علي حالي كما حال من طاح= والخيل عجـلاتٍ وفيهـن جفالـه
خلوه ربعه عند زرقات الأرمـاح= والمـوت بيـن مايبالـه دلالــه
بالسيف مشهور على كـف ذبـاح= ولاهو بطالب دون موتـه جمالـه
اخذته العزه ولو صـاح صيـاح= الموت واحد لـو تطـول حبالـه
حالي كما حاله ولا شك مارتـاح= من يوم شفت اللي يجيب إزتمالـه
ليت الهواء ساكن ولا هبت أرياح= وياليت ريح هـب مالـف شالـه
خده كما برق مـع الليـل لـواح= والعنق عنق الريم وقـت إجتيالـه
والعين عين الحر والرمش ذبـاح= والمبسـم اللـي مانـدور بدالـه
تلعب بقلبي لعـب طيـر بملـواح= لاحدٍ يلوم القلب لاصـرت دالـه
من دونها ماحسب مخاسير وأرباح= هي راس مال القلب هي راس ماله
راحت وراحت عقبها كل الأفراح= راحت وخلتني على شـر حالـه
ياصعبها لا شتاقت أرواح لأرواح= والوصل عسرٍ والقلـوب اتوالـه

عبدالله الحمياني