‘‘‘‘‘‘‘‘‘{{ يا عين هلي الدمع }}‘‘‘‘‘‘‘‘‘‘

[أبن مسلم]

علم (ن) لفاني ضحى الأثنين ياشينه= العلم الأقشر يجي ياناس طوالي
جاني خبر موت أبوي وطحت في حينه= وأصبحت في حالةٍ صعبه ويرثى لي
حزنٍ بقلبي سطا وفجر براكينه = وكبدي تقول إنها تصلى على الصالي
ياعين هلي الدمع لاعاد تخفينه = خليه يجرح خدودي كل ماسالي
ماحدن يلومك على دمع(ن) تهلينه = ولاحدن يلوم العيون ليابكت غالي
مادام أناحي تاتبطين تبكينه = والله لتبطين وأبطي ماسلى بالي
وعليه يبكي طراق(ن) جوه ناصينه= لياجوا يبون العشى من بعدغربالي
عنده ضروا بالشبب من ماضي سنينه= كبشٍ يقدم لهم وطيبٍ وفنجالي
مرحوم ياشايب(ن) ماكثر محبينه = كبار وصغار من نسوان ورجالي
ويا الله يامرسلٍ طه لنا بدينه= تجعل له بجنة الفردوس منزالي
وياعين شي (ن) لك مقدر تشوفينه = تصبري وأرجي الله يلطف بحالي

[ أرجوا ممن يقرؤها الدعاء لوالدي وأموات المسلمين بالجنه]

وشكراً