ماني بصدام لجل اتحاكم في الدجيل

[مطرح البعارين]

ول يا الجوال مابخلك من يم الخليل = ما تجيب ارسالته كاملة في حلها
منت برج للعرب انت اسمك البخيل = في الرسايل كلها دقها مع جلها
لو يرسلها غضب قلت بن وقلت هيل = من غلاه اظمها في عيوني كلها
اتصفحها ثلاثين مره با القليل = من عيوني في عيوني وانا ما ملها
ولو يطول الصد والهجر ما غيره بديل = المشاعر كلها من قديم احتلها
علموه اني من اسباب هجرانه قتيل = السيوف المرهفة لا يقوم يسلها
كان الي في القلب حشمه يعاملني دخيل = التجيبه والسنة واشهرين ازلها
ما يلوم اهل الهوى غير ابو قلبٍ هبيل = ما شكى نار الهوى والعباير هلها
ياحبيبي لا تصدق مولعت الفتيل = القلوب الي غليلة تمةت ابغلها
المقيدح ماذكربه ربيع ولاش سيل = انتبه للسالفة والدروب ادلها
لا تطاوع في النداوي هل الهرج الهزيل = مشكلتنا هينه في يدينك حلها
ماني بصدام لجل اتحاكم في الدجيل= عاشق من زود حبك دروبه ظلها
خاف ربك ولتفتلي ترى جسمي نحيل = اكسب المعروف والتاليات اعملها
ماتريح في منامي مبات ولا مقيل=اطوي الصفحه لك الله واعيد افلها
حيث نسيانك على من يحبك مستحيل = با الختام قاولها وانت اخذها خلها