+++>( لاتشاور الطرقي)<+++

[أبن مسلم]

أبدي بذكر اللي فرض حجة البيت = عِد الجراد وعِد حب النباتي
ضيف الله أبا أوصيك كانك تهنيت = بأيامك اللي مقبله يا غناتي
كمل فروض الدين من غير تفويت = صوم رمضان ورجحه بالزكاتي
وأوصيك في جدك ولومادعاك إيت = وما يطلبه قل تم والرزق ياتي
جدك تخيرفي الأسامي وسميت = على إسم شيخ(ن) كاملٍ بالصفاتي
وحافظ على السمعه ولاتدنس الصيت = وأحذر من الخفرات والمرهفاتي
وإليا جلست بمجلس(ن) فيه تشميت = خلك قليل الهرج لوبالسكاتي
ولاتشاور الطرقي بقولة تعشيت = ثم ينفشل ويصير كدر المباتي
الضيف ليامنه لفى ثم هليت = يمدحك بين الناس بالمعجزاتي
وإن جت لي الدنيا على ماتمنيت = لأرخص لك الغالي لوهي حياتي
وصلاة ربي إعدادماكفنوا ميت = على نبي(ن)جاب دينٍ ثباتي