حبه يخج القلب مايوجع اوجاع @ لاشك قلبي مودعه بيت نمله

[ابـن نـعـيـس]

الشاعر فهيد بن عويد المجماج من فطاحل الشعراء ولكن للأسف فقد الكثير من شعره ومن قصائده المشهور هذه القصيده التي يصف فيها نزول الباديه وترحالهم مع اماكن الربيع

لا والله اللـي شـدوا البـدوا نجـاع=وكـل هـدم مبنـاه وارتــد زمـلـه
شد الشديد وقوضوا عقـب مجمـاع=وراع المـوده فـرق البـعـد شمـلـه
شدوا ودنـوا للحنـي كـل مطـواع=كـل اشحقـن يعجبـك لاشـال حملـه
غدا لهم مـن دون الرفيعـه تمـزاع=كـل بغـا درب عـزل وانقسـم لــه
اقفوا كمـا نـوٍ نثـر مـاه وانـزاع=برقـه يرفـرف والسـداء يرتـدم لـه
يابكرتاه اللي غـدت بيـن الاقطـاع=ويابعـد دورتهـا علـى اللـي جهملـه
الهقوه انه لـم يـم دخنـه بالاوقـاع=والا مـع اللـي سـنـدوا مستهمـلـه
ماهيب لاحـاش ولاهايـب مرجـاع=عفـراء فتـاه وراعيـه مـا وسمـلـه
ياغصن مـوز ناعـم لـه تمريـاع=منيـن ماهـب الهـواء مـال حمـلـه
راعي هدب عين مضاليل ووسـاع=خـرس اعيونـه والمحاجيـر جمـلـه
عليه ماوقفـت اعيونـي بالادمـاع=هجس يلحقنـي علـى الطـول سملـه
اعوي اعواء ذيب ورى النزل لاجاع=يقنـب ليـن الله يجيـب اللحـم لــه
يامل قلب من هوىالزيـن ينصـاع=كمـا يصـوع الصيـد رام خطمـلـه
حبه يخج القلـب مايوجـع اوجـاع=لاشـك قلـي مودعـه بـيـت نمـلـه

التوقيع