أكبر من الهم والفرقا ووصْل البعيد

[نبض المشاعر]

هذي قصيدة للشاعر خالد الدعجاني اتمنى ان تحوز على رضاكم





يا الله بطرْق ٍ يخفـّف ما كتمته.. جديد
قبل الهواجس تطوّعْني على طوعَها
أحِيد عن دمعةٍ بين المحاجر وأحِيد
عَمّا طرى ..والعروق الله وَلا جوعها
وين انت يا اللي تبيد الناحله ..ما يبيد
حزن الليالي و صبْر الروح وفجوعها
ناديت في موقفٍ بين الوعَد والوعيد
والارض خلـْيا وهي ما تكفي جموعها
واصوتي اللي ذبَحْني من وريد لـ وريد
والنفس ما بيّنت حرفٍ بموضوعها
لولاي اخالف يديني للمحاني وأهيد
أمسى ونين الضلوع يصرّم ضلوعها
يا ضيعة الحظ والوقت المغل الشديد
يا كبدي اللي تزوع الهَمّ ويزوعها
والله يجازي طواريق النوى بالزهيد
والله يرُوع الليال السود من رَوعها
يا هيه يا اللي تليّن من غلاك الحديد
يا جاذب العَبْره اللي يصعَب طلوعها
الله يجنـّبْك مابي لا بغيت الوكيد
والله يبيح الرموش السُود ورموعها
خوفي عليك انت من ضيم الزمان العنيد
وهْروج الانذال تابعها ومتبوعها
أكبر من الهم والفرقا ووصْل البعيد
لوّ النصايب مسافتها ومشروعها
وتقول اودّعْك .. قل لي يا سمِيَّ الفريد
يا مُودع ٍ نفس منـْك تودّع اربوعها
وش لون اودّعْك ما بين البكا والنشيد
واشجار الايام دونك يبْست فروعها
هي باقيه روح حتى تستلذ القصيد
والاّ بقت عين حتى ننثر دموعها


هنا كانــ مروريــ

معــ كلــ الودــ

التوقيع

دنيــــا ومــن يـــــدري كلــــ شــــئ يصـــير فيهــــا