مرثيه في الشيخ / مصلح بن صويلح الجعيد رحمه الله

[إبن غنام]

[CENTER][CENTER]

مرثية في الشيخ مصلح بن صويلح الجعيد
من نجله الأكبر محمد بن مصلح الجعيد
وشاكرا كل من قام بتقديم التعزيه...

[TABLE="width:70%;border:4px double blue;"][CELL="filter:;"]

ياللـه يــا غــــافر ذنــوب المنيبيـن **** يالواحــد القهـــار رب البــريـــه
نحمــدك يـــا ربي وحنا مطيعـــين **** أحمـدك يـا ربــي وأرفـــع يديــه
سمعت علم مثـل طـعن السكــاكين **** وألحـق بقلبـــي كيــة بعــد كيــه
وشيلنــــي حمـول تكيـد البعاريــن **** وأخــر بنفسـي شـي واجهز عليه
والدم وقــف في جميـــع الشـرايين **** كنه بالأعضا ســم من نـاب حيه
خبر وفاة أبـــوي شيـــخ الميــادين **** عسـاه فــي جنــات عــدن هنيــه
ثالث شهر من عام سبعة وعشرين **** موتــه فجعنا بيـن صبـح وعشيه
لكــن حكـــم الله يــدك الضلاعيــن **** راضين حكم اللي يغفـر الخطيه
بذلت عمرك مع هل الطيب والدين **** اليــن بأمــر اللـه جتـك المنيـــه
مرحوم ما كبـــر وصلى المصليـن **** واعـداد وبـل المزنـــة العقربيـه
واعداد ما حجــت جمــوع الملبيـن **** مرحـوم يا راعي اليمين السخيه
عليــك من ربـــي ورود ورياحيـن **** وعليك مـن ربـي سـلام وتحيــه
عسى محلك يا أبيض الوجه عليـن **** فــي جنــة الفـردوس دار عليــه
يبكيــك شيــخ فوق ســن الثمانيــن **** ويبكي خوي (ن) مايضيع خويه
ويبكيك قوم في المواقف عزيزيـن **** عكف الشوارب متعبين المطيــه
ويبكونك أصحاب تضد المعاديــن **** أهـل الشجاعة والكرم والحميــه
ويبكيك بيت عاصر العسر والليــن**** بيــت الكــرم والطيـب والشاذليه
وأبكيك انا وصيح مثــل البزاريــن **** أبكيك وجروحــي بقلبــي خفيــه
ويا وجد حالي وجد من لاعه البين **** واقفتبه الأيــام في أرض خليـــه
عنا رحل شيخ يعدل الموازيــــــن **** رحل وكل العمــر كنــه شويـــه
عز الله إنه مـن زحول السلاطيــن **** شيخ يحل المعضــلات القويــــه
شيخ وشجاع وعادته يقضـي الدين **** مااخلف مع اهل العرف نيه بنيه
اليا عطى تصغر عطايا الكريميـن **** واليا صدر حكمه تحــل القضيـه
الطيب رمزه من على سابق الحين **** ولا احد يعد بسلـم أبويــه رديــه
حر تسلســل مــن حرار شيـاهيــن **** كــل يمينــه فــي اللــوازم وفيــه
من طيبته سمـي حبيــب الملاييــن **** ابــو محمـد والحروف أبجـديـــه
عـز الله إنا بعـــد فرقـــاه ظاميـــن **** ظامين مير النار في البيت حيــه
على الطريق ونفس ممشاه ماشين **** ولا يختلف سلم العلـوم الطـريـه
والله لو إن الدمع يــذرف من العين**** النفـس تبقــى يـا مسيفــر شقيـــه
وتكفى يا ابو فواز أبـي منك ثنتيـن **** وانتـه يمينـك يالسنــافي نديــــه
الأولـه خــل النبـــا دايم (ن) زيــن ****والبـاب فكــه للوجيـــه الرضيــه
والثانيـــه للعـــدل سيفــن بحـديــن ****وثق نصابه في الظروف العصيه
ويالله يارب الضعـــوف المساكيـن ****اجبر عزانا فــي حميــد السجيــه
وصلوا على المختار سيــد النبييـن ****صلوا عليـه ازكى صــلاة وتحيه

[/CELL][/TABLE]