قصيدة غزليه محزنه تستاهل القراءة

[ابو سديم]

بسم الله الرحمن الرحيم
وجدت في احد المنتديات هذة القصيدة واعجبتني واحببت ان تشاركوني في قراتها وياليت من يعرف قايلها ان يخبرنا به حفاظاً على حق ذكر اسمة واتمنى ان اعرف من قالها لان ما في قصيدته يدل على شهامته واعجبني هذين البيتين
والحين بنت الناس في بيت رجال
ــــــــــــ وحب ٍ على غير الشرف لي مذمه
برجع غريب ٍ سكته بر ورمال
ــــــــــــ يموت , يحيا , يندفن , مايهمه ..

وارجح ما سمعت ان قايلها حارثي . اترككم مع القصيدة.


مرت ثمان سنين حل ٍ وترحال
ــــــــــــ مرت ثمان ٍ كلـها مِـدلهمّه
سألت عنها سنين وشهور وليال
ــــــــــــ ولا فيه فج ٍ غير وجهت يمه
وبعد الثمان اللي تعبها شقي الحال
ــــــــــــ جاب الزمان الكارثة والمطمه
جاني ولدها يبتسم بين الأطفال
ــــــــــــ ومن بسمته ذكرت أنا بسمة امه
شفته وصاحت داخلي كل الآمال
ــــــــــــ وصوت ٍ عجزت بكتم الأنفاس ألمه
ركضت له ودمعي علي الخد همال
ــــــــــــ من كثرشوقي قمت بالحيـل أظمه
ساعة حضنته والطفل في يدي مال
ــــــــــــ شميت ريحتها على أطراف كمه
واستلهمت نفسي مقاديم الأهوال
ــــــــــــ وتم الضــياع ووكدت لي متمه
والحين بنت الناس في بيت رجال
ــــــــــــ وحب ٍ على غير الشرف لي مذمه
برجع غريب ٍ سكته بر ورمال
ــــــــــــ يموت , يحيا , يندفن , مايهمه ..