(لسانك / حصانك ).......(سوق الخساير )

[مشعل بن حويد]

مسا الخير


ابيات قليله تكتمل بمروركم

يابيوتي ثبتيها..وارسمي منهج مسارك=كان جدتي بالطويله..ولاعاد اليوم بصرك
كان ماجبتي طوالك ..بس .. تكفيني قصارك =دام جودك بالمعاني شارعٍ بالدوم قصرك
علمي هاك السفيه اليا طرقتي بإختصارك=ان عصره لو تمدد ..ماسوى من ربع عصرك
قولي يافيد الحضاره مانثنينا ل إحتضارك=يامضيع كوفتك .. تلقاها والله جنب بصرك
ولا الومك لو تضيّع دامه لسانك حمارك...!=ودامه لسانك حمارك ..يمكن ان المصر مصرك..!!
عزتي لمنهو رعاك ..وينتظر جنيت ثمارك=مادرى انه لو يعصرك..ماتقطّر بعد عصرك
ويابيوتي كمليها .. بس سبعٍ من عيارك=واشهدني لاكتبتك قلت ان العصر عصرك..!!

:
:
:
:
:
:
:
:
:
:
:

البارحه ياكبر حجم الخساير = السوق سوق رجال وقيمة لحاها
حاولت ابدرس حالتك بالنظاير = لقيتها خسره ورخصٍ شراها
ياقلها النسبه بكل المعاير=يوم الربايح راح منهو جناها
انا اشهد ان جدك بعيد البصاير = مير العقارب سمها من وراها
لا تحسبني لا حتما القاف ثاير = لا بلله اركد من هداتي .. طناها..!!
كسر وجبرنا ..مير زادت كساير = واليا جبرنا ..ماطلبنا جزاها
الا انت قلي وين هاك البشاير = يومك تطلّب مير محدٍ عطاها
خانت بك البندق ..وطاشت ذخاير= ويناشد البندق عن الي رماها
منّك وفيك ولا تفيد الجباير = والرايحه ..قفّت ..ولا احدن رجاها
ولا تحسبني لا حتما القاف ثاير = لا بلله اركد من هداتي .. طناها
ولاضرني ..حكي الردي.. بالسراير=ريق البهيمه و بلّته من رغاها..!!

وسلامة هالوجيه