ابوسعود توهق

[ابوسعودالقثامي]

زمان القسر ورط دماغي بعلم النت=وانا قبل عرفه صافي الذهن والبالي
تورطت في شين يحت المشاعر حت=واناقبل مخي دوبه ارقام جوالي
وصل ضغطي التسعين فوق الميه واعلنت=وقلت افزعو ياللي تعرفون بالحالي
وفزع لي رفيقٍ لي وقالي انت وش دونت=بوسط الجهاز من البرامج ولاعمالي
وقلت الاذيه جيت اشيله وبه درعمت=من المكتبه للبيت سيده وطوالي
وضحك ضحكت اللي له زمانين لزم الصمت=بغيت اتسبب في وفاته من اهبالي
وقلت انت جبتك للمصيبه ولاعلمت=ولادري وش اللي جاك ياطيب الفالي
وبعد ما أسترد بعض النسم قال قم وقمت=وقلت النتيجه قال يبغاله اشغالي
وصفلي مبرمج يعرف البرمجه والونت=اسم شي بالداخل ولاهو على بالي
وجيت المبرمج قال انا لازم يفهم انت=يمال المرض .راسه من المعرفه خالي
وقعد يهز الراس قدمي ويشرب كنت=هنودٍ تعلم جعلهم مالهم تالي
وحمل علاه الوندز وقالي امعنت=وسويت شين مايسويه بنقالي
واخذته ورحت للبيت وولاهومثل ماكنت= بغيت اضربه من حرت القلب بنعالي
وقلعته بسلكه للوكاله وعنه شمت=وحاولت ارجع ماتولوه من مالي
وعيوا على القيمه وعودت ثم هيجنت= بدربي اردد ياعرب لال يالالي

اخوكم
ابوسعودالقثامي