مرثيه الشيخ / مصلح بن صويلح الجعيد

[حسن شامي الجعيد]

السلام موصول الى جميع زوار المنتدى دون استثناء


وتتوالى القصائد في فقيد قرية شقصان وقبيلة الجعده الشيخ مصلح صويلح الجعيد رحمه الله
وانا لله وانا اليه راجعون

وهذه قصيده مرثيه نظمتها في الفقيد رحمه الله واسكنه فسيح جناته

يا الله يا منشي جميع السحايب=ياللي بيدك النفع والعفو كله
ياغافر لعبدك ....ليا جاك تايب= حتى لو ذنوبه ..كباراً مـهــلـه
داخل عليك من الجروح العطايب=سبة فراق أحبابنا والأخـلـه
يا مل قلبن فيه حـر اللهاايب=جار الزمان وتله الحزن تله
جاء له خبر وأنساه كل الحبايب=وفاة مصلح مصلح القوم والله
رجلاً له التاريخ سجل كتايب=فيها الوفا والطيب نهجه ودله
شيخا بذل عمره لفك النشايب=مابين ألاد العم واللي وصله
حكيم في حل الأمور الصعايب=رأيه سديد ولايجي فيـه خله
مات الكريم اللي عريب النسايب= مات بطريقاً كل عمره بـذلـه
وعم الخبر شقصان وأقصى العرايب=والشين يا سرع أنتقله وشـله
وجات الجموع أقراب وإلا صحايب=يبكون فرقا الشيخ من كل حله
وفي وجيههم بان الحزن والعجايب= والرجل منهم ما تجي منه زله
وشقصان في مصابه كبير المصايب=أصبح مثل بغداد يوم استحله
أظلم سماءه وقفن الركايب=والحزن من فرقا زعيمه نـزلـه
وصلوا عليه أفواج من كل صايب= وشالوه في لحدن بكى من يطله
وبنوا على قبره طوال النصايب=وعيونهم صافي المدامع تهله
ويالله ياللي عالما كل غايب=ترحم فقيد جعيد مما مضن لـه
أجعل له الجنات فوز وكسايب=أجعله الفردوس بيته محله
وحنا ذوى ناجي دواء كل عايب=أهـل الـعـلوم الطيبه المسفهله
نرسل تعازينا لأعـز القرايب= ذوي صويلح يا شفى كل عله
وصلوا على محمد عزيز النسايب=الهاشمي اللي نهج خير مله

وســلامــتـكم


حسن الجعيد