بسـم الله أبـدأ وأبـدابـه =والقـاف يونـس هنـدابـه
غنى ابن فويز مـن قافـه = من قافه قـال وغنـى بـه
ياصف في قولـه ماشافـه = يملـي مـن فكـره بكتابـه
دامـه كـلٍّ دلـى دلــوه = دلـى دلـوه والمـا جابـه
آصـف ماشفـت وعاينتـه = وأذكـر ماجوبـه وأسبابـه
واللـي طـرّى هـذا كلـه = سوق الأسهم ما يصخى بـه
عجل عجل عجـل عجـل = ترى الدعـوى فيـه نهابـه
كـل كاسـب كـلٍّ رابـح = كلٍّ يرصد وسـط حسابـه
كـلٍّ يشطـخ كـل يمطـخ = كـل عبـى جيـب ثيابـه
يدخل بـه طفـران مفلـس = ماتشعـل نـاره مشهـابـه
يأخذ له مـده ثـم يصبـح = يصبح هامورٍّ يدعـى بـه
ياكـل هـذا ويعـدم هـذا = والعالـم يلعـب بأعصابـه
يصبح مالـه بعـد الطفـره = مايحصي كم قـدر نصابـه
كانـه ودك تصبـح تاجـر = والخيـر يفتِّـح لـك بابـه
تملـك بيـت وتملـك فلـه = تلعـب كالنـاس اللعـابـه
سجل فـي قايمـة الأسهـم = وأحذر من نـاسٍ نصابـه
وأحذر وأحذر وأحذر وأحذر = من هامـورٍ مايـدرى بـه
يقشط رزقك وأنتـه غافـل = وتصيبـك جلطـة بأسبابـه
خلك عـارف خلـك فاهـم = وأنته داخل وسـط الغابـه
وأسرح بـدري لا تتأخـر = وأصمت لا تنطق بالجابـه
طالـع للشاشـه وانظرهـا = وأرسل سهمك في مضرابه
هـذا قـولٍ لأبـن فويـز = وانته جرب وش تلقـى بـه
« آخـــر الـــمـــشـــاركــــات »
15-Apr-2006, 01:30 PM
الشاعر : فالح بن فويز الشيباني * يصف الاسهم*.
العرض الشجري