نسانيس الغرام !!!

[ابـن نـعـيـس]

الشعـر مايرفـع مقـام ٍ ولاسـاس=لازاد قدر... ولانقـص فـي مقامـى
ضرب ٍ من الحكمه وعقد ٍ من الماس=يرو ى ضما ذوق ٍ على العذب ضامى
الدين وسلوم العرب خيـر نبـراس=منها نعرف اللـى حـلال وحرامـي
سبحانه اللى خالق أشكال و اجنـاس=من كثر اساميهـا تشيـب الاسامـى
من لاضبط سمته وهرجـه بمقيـاس=يطيح من عيـن الحشـام الكرامـي
تصدف مع المطفوق مرات الارماس=لكنهـا رميـه ومـن غيـر رامـي
لاهيب من موقف وطارى وهوجـاس=جـرة ذهيـب بعثرتهـا المضامـي
كنز القناعه عـز والعـرق دسـاس=ومن يحترم نفسـه لقـا الاحترامـي
واخر علومى هب فالقلـب نسنـاس=مـال بمعاليقـي وفـاز بغـرامـي
شقحا ً بميدان اللزز تاخـذ الكـاس=لاجات فى المحفـل تنـال الوسامـى
ترعى لها جو ٍ خـلا مابـه اونـاس=ماداج فيه شعيـل هـدف السنامـي
عود ٍ عليها نايـف الطـول ميـاس=تو استوى طلعه وحـان الصرامـي
واجهتها صدفه وانا العـام عسـاس=من يومهـا ماذقـت حلـو المنامـي
صارت وانا صاحى طوارى ووسواس=ون نمت جانـى طيفهـا فالحلامـي
سلمتها سيفي مع الـدرع والطـاس=ثم السـواري والفشـق والحزامـي
وعطيتها عهد الولا ماحيـا الـراس=باهواه لين الـدود يرعـي عظامـي
بنت ٍ عليهـا قلـب وشعوراحسـاس=تعجز على و صفه حروف الكلامـى
بحضورها ماعـاد للغيـد مجـلاس=مثل النجوم ان بـان بـدر التمامـي
حورية ٍ فالارض تحيا مـع النـاس=ويزيدهـا حسـن وجمـال اللثامـى
تعطي خفوقي نبض وشعورى انفاس=وأترجمه شعـر ٍ عفيـف ٍ وسامـى
من بيت عز وبيت امـاره ونومـاس=أهـل المهـار متيهيـن الجهـامـي
مالى نصيب ٍ فيه مدقـوق الالعـاس=ماغيـر طـاروق العنـا والهيامـي
حال الرجا من دونها واقبـل اليـاس=وشى ورى الاجناب صعب المرامـي

التوقيع