قم يا محمد قبل ما الناس يصحون=واركب على المبروك ووزون بلوفه
سرحه يم الديره اللي يطرون= فيها جمالاً نادراً في وصوفه
لساحل الشرقي توجه وبالهون= لايطوفك المفرق قبل لاتشوفه
من الرياض اظن خمسه وتسعون= كيلو متر واللي زياده محذوفه
وليا وصلت هناك يالذيب ممنون= وصلت ديره ... للمطايا معروفه
خذ هالرساله ودها يم ابن عون= الشاعر اللي كم تمنيت شوفه
الشاعر اللي بالقصايد يقولون=كسب مشاعر كم هنوف وهنوفه
قله تحيه من ولد شامي بدون= ما تنقص احروف الوفا من حروفه
ينشدك عن من بالقصايد تغنون= ينشدك عن حال الجميل وظروفه
ينشدك عنهم كان صدق يتمنون= أبيات ترفع قدر وضحى ونوفه
عجل علينا الرد لا.. لا تونون=النفس في رجوى جوابك شغوفه
تبغى حقيقة كل شيئاً يذيعون=ومن عقبها لزهر نقطف قطوفه
ومن حب يا ابن عون وشلون وشلون= ينسى حبيباًمايفارق طيوفه
وحبيبه مثل القمر ينور الكون=وإن غاب عن دنياه يزداد خوفه
لكن ما جاهم نصيب يتلاقون=والنفس عن فرقا حبيبه عيوفه
وعطنا جوابك قبل ما الناس يمسون= الروح في رجوى جوابك شغوفه