مكسبي !!!

[ابـن نـعـيـس]

بسم الله الرحمن الرحيم

السلام عليكم ورحمة الله وبركاته

سعود الدهيمي يرى أن الشعر رغم أنه كلام الا أنه من المؤسف جدا أن ترى شاعرا موهوبا دائما ما يتغنى بمكارم الأخلاق وهو في الوقت نفسه من فئة السفهاء غير القادرين على فرض احترامهم كأشخاص .. قصيدة لن يتردد عاقل في موافقة الدهيمي على مضامينها ..

يالله اللي قــــــلب الانسان مابين اصبعيه=ياقـــــــــــديرٍ تحيي الــــــــخلق ثم تبيدها
دلني درب الــــــــــــــــهدايه وثبتني عليه=وكف رجلي عـن ما يغضءبك واقصر قيدها
بين مبدا الليل والـــــــهاجس اللي يحتريه=ساعةٍ تصفي لــــــــــبالي على ما اريدها
لاقطع بن الـــــــــــــيمن فوق جمرٍ محتديه=وفاحت الــــــــدله عقب طاب لي تقنيدها
زان طرق الــــــقاف للخاطر اللي مشتهيه=كل مــــــــــــا شيّد بيوته سمك تشييدها
خـــــــــاطرٍ يتعب على الجزل حتى ينتقيه=القصايد مـــــــــــــــــــاخلط زيدها بعبيدها
مـــــــــاذبحها باهزل الهرج حتى تشتكيه=والقصيده ذبحــــــــــــها غير عن تجديدها
عقب مافكرت فـــــــــــالوضع بالفكر النبيه=ثارت الـــــــــــنفس الغيوره ماغير اهيدها
شفت شيٍ يجرح الـــــقلب لو كان يغَذيه=شوفته سقم الـــــــــخواطر وبعده عيدها
شاعرٍ لاجــــــاك قافه لــــــــــيا كنه جنيه=من حــــــلا ابياته ليا ابطيت قمت تعيدها
المعاني كــــــنها سلك سبحه في يديه=يبتدعــــــــها بدع بالـــــــــقافيه ويجيدها
والـله انك تنغبن يوم تـــــدري انه سفيه=لانشــــــــــــدت ووثق السالفه توكـيدها
ودّك ان الـــــــــــشعر لازان ينسب للنزيه=وتتفق صــــــــنديدة الشعر من صنديدها
لو انا ادري ان الشعر هرج واللي فيه فيه=لو ينقص مـــــــــــــرجلة رجل كان يزيدها
مير بآخذ حكــــمة الجني الـــــيا فك فيه=وصحبته والله مـــــــــابيها ولا ابي فيدها
معرفة خطلان الايدي وبيضان الـــــــوجيه=مكسبي من هــــــالقصايد ومن ترديدها

التوقيع