كرت العايلة

[أبو فيصل]

علّم عيونـك لاتطـوّل فـي الكـلام ولاتقـول
من قبل أعرفك مابعد شفت النجوم .. القايلـه

خلك ترد العلـم عنّـي قبـل سالفتـك تطـول
رد الـرواه اللـي يـردون الكـلام لقايـلـه

ضيّعتني ضيّعك ربّـي فـي مضيّعـة العقـول
من يوم أخايلها .. وأنا ماكـل بـرق أخايلـه

وأن ضيّعتني ضحكةٍ بشفاك .. يادين الرسـول
غديت ملحٍ ذاب فصّه فـي الشعـاب السايلـه

وحلمت بأنّك عرش في قلبي على كف محمول
وفسرتها !! أن العرش هو حبّك وأنا اللي شايله

وليا نشدت الناس قالـوا : يامغفّـل يامهبـول
حلمك بعيد ولـو تمـد إيديـك منتـب طايلـه

يارجل وجهك بالرضا والمسك والنور مغسـول
من حيث لاتعلم عمـل فيـك الزمـن عمايلـه

مامات من ظلم الغرام إلاّ الحيـاوي والخجـول
تحدّهم سو الطوالـع فـي الحظـوظ المايلـه

غاياتهم تحبس وتبقى فـي خواطرهـم تجـول
مثل الذي يمشي على ستايل مهـوب ستايلـه

مدري ملكتك ماملكتك !! والتباهـي والفضـول
يقول مالا تنتظر ياجـاي لـك !! ياجـاي لـه

خل الحسود يموت في ثوبه يقـول أو مايقـول
لاواهني اللـي يحـط أسمـك بكـرت العايلـه

للمبدع:مدغٌم بو شيبه

التوقيع

لا إله إلا أنت سبحانك إني كنت من الظالمين