( شايب )

[النداح]

	السلام عليكم ورحمة الله وبركاته يبقى الشكر لخوي مشعل بن حويد الي دلني على هالموقع الراقي بأهله جار الزمن ثم صك من دوني الباب = زولي شباب وداخلي جوف شايب وكنت الغريب الي نشا وسط الأغراب = طفل ٍ جميع الناس عنده حبايب ورباني الي للطويلات كساب = الشايب الي مارمى غير صايب عند الدلال ومبخرة زين الأطياب = وعند الصحون الي عليها النوايب ودل الرجال الي على الطيب وأصحاب = وسوالف الفرسان وقت الحرايب وغيري يربيه الخدم وسط الألعاب = لين إختلف عقله يباري الهبايب لا هرجة ٍ سنعه ولامكرم أجناب = وسوالفه لا جات جات المصايب إخته تقول وخالته وجهها عاب = وأمه تزاور كل يوم ٍ قرايب مير أشهد إن الطيب من طيب الأنساب = والعرق طيب ٍ نصفه ونصف خايب بس البلى من علة ٍ مالها أسباب = خلت جروح ٍ في ضميري عطايب القلب منها شاب والراس ماشاب = وأعيش في وقت ٍ عن الناس غايب وهذا الزمن قد جار ثم صكر الباب = وأنا على بابه من العام شاااايب