الوصف الكامل لحالة المنازل من الشاعر عبدالرحمن العطاوي

[ابن نجد]

الشاعر الكبيرعبدالرحمن العطاوي العتيبي يصف الوقت مهوب مثل مانشاهده الان في المحطات ، حيث قال :

القيـض مـاهـوب أسعـد أيـام ربي
اللي يـحـط بـه الـنداوي ورا الـباب

لـو يمدحـه مـن للـعـذارى محبـي
راعي الـولـع هذاك للقـيض سبـاب

الـى قامـت الجـوزا عليـنـا تهبي
ونـحت علينـا مرزم القيـض وكلاب

وقامــت لهايــب كل نجـم تـشـبي
وصار الهـوا من واهج القيض ملهـاب

ودارت على الماء الصادرة والمغبي
وردت عـريـجا كلها جرد الأرقاب

دام اليـمانـي فاهــق ومتـخبي
ليل ونهار الها على الحوض ظبظاب

لو يـقـرع الـقراع غـصب تضبي
الـجل تـدحم والمخالـيل هــراب

لين الصبـا طلعـة سهيـل تهبي
ترفع على اربع والهوا صار خنياب

وقام العنس في العود الأخضر يدبي
خمسين يوم وزود يوميـن بحساب

قام الفحل في البل هديـرة يقبي
واولم على وكره يبالعـيد حطاب

شفت الســحاب اللي بروقه تشبي
من صيب الوسمي تبارك الى صاب

واصبحـت تسمـع للعـوم متنبي
والحر الاشـقر جاك بيديـن جلاب

تشـوف نايـف للصـقـاره ملبي
وقبل امس قد روح الى الغرب نباب

وشكرا للتواصل
--------------------------------------------------------------------
زماننا غير زمانهم وحتى نتذكر الاولين
اخوكم ابن نجد