اهدى لاعضاء منتدى قبيلة عتيبه الكرام ارجوا ان يسعدكم

[النــــــاقد]

الحمدلله والصلاة والسلام على رسول الله وعلى آله وصحبه أجمعين
وبعد
اهدي هذه القصيده لاخواني في المنتدى
وهي بعنوان
( يبقى الكلام الزين )



نظم القصيد المعتبر يكتمل في ضرب الامثال
اللي بها حكمه وتوجيه وابداع ومهاره
يبحث مواضيع كثيره ويدرس بعض الاحوال
ويعطي نتايج ناجحه مايجي فيها خساره
تطلع معانيه الغزيره بشكل يشرح البال
يطرب لها اللي كل علم يكفيه اختصاره
ما سمع بعلوم يسوى لها مطلع ومدخال
يغتاظ منها كل رجال بكبده مراره
الناقد الواعي وقف ضدها والحق ينقال
والا الردى معروف والحر تكفيه الاشاره
ياكثر ما يصدر كلام يردد بين جهال
كل يقول ان المعرفه مع العالم شعاره
ما احد يصدق كل قول يجي ما عقبه افعال
هذي حقيقه تفضح اللي تغير عن مساره
يبقى الكلام الزين والا الكلام الشين ينزال
وكل حسب عقله يحدد من القول اختياره
دنيا العنا نلقى بها طيب وافي وبطال
وقال المثل معرفة الطيبين اكبر تجاره
واختام قولي كل من طاب يلقى طيب الاعمال
اللي يقدمها مع الناس بسلوب وجداره


اخوكم / النــــــــــاقد



وبعد القصيده ارجوا من الاخوه ان يتطرقوا لبعض المواضيع مثل:
1ـ التحديات اللتي تواجه العالم الاسلامي .
2ـ نشر بعض الاحاديث اللتي تدل على تحريم الاستهزاء بالرسول صلى الله
عليه وسلم .