قصيدة للشاعر/ عبدالله القثامي

[حاتم العطاوي]

قصيدة للشاعر عبدالله القثامي

حتى ايش لو ركبت لك جيب فكسار=وجمعت لك خمسين وضح و مغاتيـر
وبنيت لك فله على شـارع إشهـار=وأصبحت من قوم ألغنـا والدنانيـر
وصاحبت لك عشرين جاهل وغـدار=وحطوك فارسهم مثل سالـم الزيـر
وتنظم من الأشعار عذبات الأشعـار=وأصبحت شاعر لك صفوف وجماهير
يمكن تروح قـدم ويميـن ويسـار=وتصير لك هيبة ورهبـه وتصفيـر
والله ما تنفعـك يـا طافـي النـار=لو شلت حال كبـر ابانـات والنيـر
ويا صاحب الفكسار والإبل وش غار=ترى المراجل مـا تجـي بالبواكيـر
الرجل له قيمـه وشيمـه ومقـدار=وله مع أهل العرف حشمه وتقديـر
تندى يمينه بالكـرم سـر وجهـار=هيف الإبل والضان ريف الخطاطيـر
قسمه ونعم وميزتـه واف الأشبـار=حليـف مجـد ألا زبـن المناعيـر
والفرق واضح بين عامـر وعمـار=والعلم عند أهل الحكـم والمساعيـر
لن كان ما حطيت لـك بـن وبهـار=وقضيت حاجة من حدتـه المقاديـر
وأعطيت من ما الله وهبلك من الخار=وتوجتها بالدين مـن دون تقصيـر
اسـرع تـرا دولاب الايــام دوار=واليا عصيت أقول أشوفك على خير
المـال والفكسـار والـذود والـدار=والشعر والأصحاب ما تنفعـك ميـر
عدل مسيـرك قبـل الأمـال تنهـار=ويصبح مكانك بين عـذال ومشيـر
والله مـا ينفعـك تسعيـن معـذار=اللي زرع له شوك ما يحصد شعيـر
والعز مـا يشـرى بدرهـم ودينـار=والحر مـا يقـرن بعكـف الدناقيـر
الحر اله في أعلى الشواهيق ميكـار=ويموت ما يأكـل لحـوم الخنازيـر
ولا يرتضي بالدون عاقـل وبيطـار=ما يرتضي بالـدون غيـر المثابيـر
تم الجواب اللي مثل قطـف الأثمـار=وما قل دل وعذركـم يـا مسافيـر
وصلات ربي عـد همـال الأمطـار=على الرسول وعد ما رفرف الطيـر

قرأتها في أحد المنتديات وأعجبتني