يا أهل الهوى قلبي تمكن به الياس

[فواز الشيباني]

يا أهل الهوى قلبي تمكن به الياس= من حب خلن لا سقا الله حله
عــزاه ياقلبــاً من الحــب منــداس= اقفت به الدنيا وهو مدهلن له
والموت من حباً يعمر على ساس= ما يترك المخلوق حتى يسله
كنت احسب ان الحب عزه ونوماس =وأثره لذربين اليماني مذله
صبرت لين انه لمس هامة الراس= ووطيت قلبي بالقدم سافطن له
خلاص يكفي ماجرى لي من الناس= لي ملتاً والحب عشرين مله
مالي بعرشه ياأريش العين مجلاس= لو تفرش القاع بحرير وتفله
والأدمي لو كان يجري بالأغلاس =ماكل والله ما يبي حاصلن له
توك دريت ان المعاليق يباس= من بعد ما فات الأوان ومزله
لو فيك ذره حب بالقلب واحساس= ان كان من هاك السنه فاطناً له
واليوم لو تبغى رساله بقرطاس= ما عاد عندي للمواضيع عله
والله لو تبكي وتشكي وتنحاس= ما تحترك منك الأحاسيس لله
لو انقطع قلبك ورايه والأنفاس= يابعد قلبي عن يديك ومحله
ولوكان تضرب لأجلي اخماس واسداس= مالي بدرباً مونسن فيه ذله
ماني على غير المعادين نكاس= واللي يبي درب السلامه يدله
قلباً سقيته صافي السم بالكاس= مابه محلن لك تفيا بظله
صورتك في عيني رماده ونسناس= ياهادماً قصر الغلى فوق خله
النفس طابت منك ياجوهر الماس= طويت حبك من زمان وسجله

الشاعر

ممدوح بن عبدالله المرزوقي ..