$$..كدت..... ان اكون... تيسا..$$.

[النقشبندي]

[U

]كدت..... ان اكون... تيسا[/U]
[U]الحلقه الاولى:-[/U]
عندما نويت ان اكمل ديني..همزت في اذن الوالده يحفظها الله وطلبت منها البحث عن بنت الحلال..الطيبه الخيره امي اخبرتني بان جميع بنات اقاربنا لايصلحن لي سالتها لماذا .؟اجابت...هذه عوراء وهاذيك صوراء..وهذه قصيره..وهذه دبيه.اوعدتني بعروس على مزاجها..دارت الاياام وحضرت والدتي...حفلة عرس في احد القصوروفي الصباح وبينما نحن على الغداء وهي مقبله عليه تهلل وتولل..
وقالت لقيت مطلوبك اذا كان حظك سعيد سوف تسعد بها...
واكملت انني رايت فتاة حسناء جميع النساء اشادن بجمالها ورشاقتها..
و قد ظفرت بالتعرف على امها واخذت عنوانها منرلها وجوالها...!!
والان اريد ان اخطبها لك..وهذا والدك يسمع..استشهدت باختي الكبيره..والتي ايدت ماذكرته الوالده...
قال الوالدمارايك قلت ااذا ترون ذلك فليس لدي مانع ..
قال توكلي على الله يام فلان واعملي اتصالاتك واذا كان هناك قبول ..ابلغيني..
بعد اربعة اياام واذابالوالده تقول الموضوع رتبناه ..وماعليكم الا التنسيق مع والد الفتاه وهذا جواله..
اتصل الوالدبالرجل..
الو سلام عليكم...وعليكم السلام كيف الحال طيب. وشلونك لوني احمر الخ....الرديه
الوالد الو...الو..الولد ايش اسمه..انا افداك..
قال.. ابني فلان قال يابوا افلان حنا ودنا نسير عليك..
قال خير ايش عندكم...!! ايه..!
قال الوالدودنا نتعارف عليكم قال من متى تعرفوني..
قال الوالد سمعتك زينه ولنا معكم هرجه
قال ويش هرجتكم قولوها...قال الوالد ماتصلح في التلفون..
قال الا كل شيء ينقضي اليوم بالتلفون.
قال الوالد..تدري يكون خير اتصل فيك باكر..
كلمنا الوالده وقلنا الرجال..شعرنا منه عدم القبول ومنطقه ماهو طيب..
قالت انتظروا..اجرت اتصال مع امراته..وقالت بكره اتصلوا عليه..
اتصل الوالد عليه قال..ها ويش رايك اليوم انمر عليك يابو فلان انتقهوى عندك..!
قال من معك قال معي ولدي..ابو زقم...!قال تعالوا العصر لاتتاخروا لان وراي مشوار..!!
شخصت ضربت بالعقال والغتره...والعطرالي يطرح الطيورمع السماء..
وركبنا في السياره وانا السايق..وقبل ما يدخل الوالد السياره..
رشيت داخلها بالعطر..فك الوالد السياره وركب..واخذنا دقيقتين بدا الوالد في العطاس ..
صارعنده حساسية من العطر واخذيعطس وحمرت عينيه وانتفخ خشمه..
وجلس يكيل لي من الشتم والذم حتى وصلنا الى دار الرجل
والوالد كلما ماعطس قال اقطع الله عني هالزقم..انت ويش يخليك اترش عطورمع العصريه..
انت انت أنت...الخ..
اعمااني صرت ماعاد اشوف الدرب قلت في خاطري اللهم اجعله خير..والله ان البدايه ماهي طيبه..
وصلنا شقة الرجل في الدورالاول من العماره..فتح الباب ..
ادخلنا الى المجلس..احضرلنا ماء ..قال ويش عندكم عسا خير..
الوالد..احتارفي امره قال حنا ودنا انتعرف عليكم وانت اكيد عندك خبرعن موضوعنا من ام العيال..
قال اهيه خير..وين ولدك الي تبا تزوجه قال هذا هو...استمر الوالد في العطاس.. اتش ..اتش..اتش..
قال ولاك معطس..اكيد انه من ريحة العطر الي معكم..هذا عطر الشباب دائم ريحته فتاكه..في خشوم الشياب..قال صحيح..
اخذناا شوي بدا الرجل يعطس مثل الوالد..اتش اتش..
انا صراحه خجلت من الموقف.ماتسمع الاهذا يعطس والثااني يجاوبه..!!
قال الولد ايش اسمه قال الوالد اساله علمته باسمي...
بدا الوالد في الموضوع وابلغه رغبتنا في نسبهم..
قال لوالدي...كيف تعرفتوا على ان عندي بنت وكيف عرفها ابنك..
قال عن طريق امه في حفلة عرس..قال ماشاالله في العرس...ياحليلكم الوالد استغرب..!!
وانا ايضا استغربت..خرج من عندنا وبعد خمسة دقايق عاد...
قال طيب..ويش المطلوب قال الوالد حنا طالبين قربكم ونسبكم.قال خيرطلع من عندنا ورجع بعد خمس دقايق..
قال: طيب بعد يومين انرد لكم خبر..قلنا خيرمع السلامه.. وخرجنا....!!!