على الهون يمشي مشيته ستب باي ستب

[يجيلك يوم]

على الهون يمشي مشيته ستب باي ستب=
غزال ومن صيده ويهوى الطرب واللعب=
تولى عليه بالغلا ثم نهبني نهب=
ابو مبسم من خلقته طاهر ماحب=
ابي خمره بين الثنايا علاج وطب=
عيون النداوي لاحداد ولاهن زرب=
هضيم الحشى والا لردايف دماث وسلب=
على كثر ماشاهدت من كل صوب وحدب=
هو الزين الاصلي في كماله وغيره كذب=
قباله سلام وفرض هدنه وبعده حــرب=
عتيبه تـــسوى قبايل مطير وحــــرب =
ليامنهم ركبوا على المسرجات العرب=
وعساهم لياصالوا وجالوا كســـــب=
يالبيه لامنه عرض لي وفاح وهب=
عليه اتوجد وادري انه عليه صعب=
الا واهني اللي يزوره بدعوى القرب=
وانا لو بغيت اجيه ماني بلاقي درب=
عسى من حداني عنه يكسر ويسلب سلب =
عليه اجتهد بالدمع الاقشر واصبه صب=
رضينا ومال العبد فيما يريـــد الــــرب=

نايف الحميدي العتيبي