الطيب

[ضاوي العصيمي]

اخواني الكرام
السلام عليكم ورحمة الله وبركاته
ومساكم الله بالخير
يسعدني ان اشارككم بهذه المتواضعه امل ان
تجد القبول منكم وهي حقيقة ليست بجديده
ولكن اعدكم بالجديد قريبا
والمعذرة في التقصير
ولكم مني كل الحب

من لاينال الطيب باول شبابه=ماظن يظفر به بعد عارضه شاب
ومن لايميز غلطته من صوابه=لوصاب مره عشر مرات ماصاب
ومن لاعلى جسمه يفصل ثيابه=والله ليعلج فوق ضرس وتحت ناب
ومن لايعرف القيظ يتبع سرابه=ويصبر على لفح السمايم والاتعاب
ومن طق بيبان العرب طق بابه=ولاضاع حق وقافي الحق طلاب
والسيف قوة سلته من نصابه=ولاخير في سيفٍ يجرب في الاقراب
ياللي تبي قدرٍ رفيع ومهابه=ابعد عن الشباك وادخل مع الباب
وحاذور من جحر الخباره ودابه=ترى الوقايه خير من كل الاطباب
ولاتعترض لك عيةٍ تبتلابه=دامك معافى لاتعرض للانشاب
ولاتارد الا اللي عذيٍ شرابه=عد الوبا مايشربه كود من خاب
والجار لو عن داره ابطا غيابه=خلك وصيه لاتخونه اليا غاب
والضيف رحب به وكرم جنابه=وقدم له الميسور من كل ماطاب
وتبشر بقول ونعم في كل جابه=ويزداد قدرك بين ربعك والاجناب

التوقيع

يسعدني زيارتكم لصفحتي على تويتر على هذا الرابط https://twitter.com/#!/dawi_1 وياهلابكم جميعا