(( ان كان مضمار المواضي للاذلاف))

[ناجح الشمري]

قال الذي حضر جديد من القاف=قاف ولي به باللوازم مواقيف
مثايل تاتي كما الدر عطاف=عند اللوازم حاضرات ومراديف
ابيات ماهن من غوا هرج بلاف=امثال من يكد كلامه بتعريف
ولاخير في هرج على غير معراف=لابين الميكاد كل التصانيف
الصدق ميزان النقا بكل مشراف=على مشاهيد الرجال العواريف
ومن هو يهيم ويتبع اصحاب الاعناف=بشره بالخيبة بجل المواقيف
شاهدت مابين المرامي والايناف=طريقة ماله مع الناس توقيف
يلعب بها الغاوي على كل مذلاف=ويعد نفسه من رجال لهم ريف
هفى بها الهافي وغيب الملا طاف=في ساعة ماعاد فيها مناكيف
انصحك يامن تقضي الوقت هلاف=عد للصواب وخل ممشى الخواريف
ومن ضاع يوجد له رجال لهم كاف=احسن ولي امره يعلمه ترويف
وان كان عاصوف المنايا للاذلاف=حق الله اوجب والمساعي مراضيف
مايجمع الصاحي لمن فيه مكلاف=اللي يهوم بمزعمات الغطاريف
وسلم الرجال اللي على العدل كتاف=مايقبل الخفة وبعض المساليف
نصيحة تهدا على بيض الاصحاف=ماولفوها الخايبين المهاديف
اللاش مايحسب مقامه ولو شاف=ولا له بهامات المراجل مزاليف
ماغير مثل الكلب لاشاف خواف=يهوى خصايل شلة الخزي والزيف
اللي على مافات يبون مجزاف=نعرف سعايهم بكل المشاريف
ان كان مضمار المواضي والاحراف=دالن به ايام الزمن مثل ماشيف
عند الخبر يخبر جواب بمعطاف=كلام بشهود ماهو هرج تزييف