خلك مع اللـي للمواجيـب ربـاك=اللي يموت ان كان طـول غيابـك
ابوك ابوك ان ضاق صدرك بدنياك=هو الصديق اللي يـداوي صوابـك
لا لا تخـاوي لا هـذولا ولا ذاك=خلك بظله واخدمـه فـي شبابـك
في خدمته يطيـب للـرب مسعـاك=فيه الرضى واذا رضيته رضابـك
ياما شقاء عمره لجل يكسب رضاك=يومك رضيع ولاطلع سـن نابـك
يومك مشيت وخطوتك دوب ممشاك=شالك وضمـك باليديـن ومشابـك
تاطا على رجلك واذا مال ماطـاك=يميل قلبـه وان هزعـت ابجنابـك
واذا مرضت البيت يمرض لما جاك=يوم المرض غير ملامـح ثيابـك
ان ماوفيت بدينه اللي لك اعطـاك=والاتبـي تاخـذ مـن الله حسابـك
| التوقيع |
جعل من لامني في حب بيض الخدودي
ماتفارق عيونه من حياته شقاها
الهوى عارفينه من زمان الجدودي
واجمل العشق بنت طاغيه في حلاها
zaeem2222@hotmail.com |
27-Apr-2013, 02:27 PM
ابوك ابوك
العرض الشجري