قصيدة ترحيبيه في زواج اخي /سعود بن جلال ابوعبيه المقاطي

[مجول بن جلال المقاطي]

تغني ياهجوسٍِ مالحقك من الزمن منقود = على وضح النقاء دايم موضحةٍ معانيها
وهاتي من ثمين القول مانبلغ به المقصود = بيوتٍ كالجواهر فكرنا الراهي منقيها
وبعد قدمي تقافن مثل نظم اللول فالعنقود = مايفرقها الفطين من اول النظمه لتاليها
اقدمها بلزومن مالنا عنها عذر وصدود = عليه واجبه دام العرب تعرف بساميها
هلا يامرحبا باللي لفونا في زواج سعود= شغاميم الرجال اللي عسى ربي يحييها
تراحيبن نقدمها ونبذل لجلها المجهود = على عز وكرم والعود الازرق في مثانيها
هلا باللي لفو بالموعد اللي بيننا موعود = رياجيل الوفاء اللي جعلنا بالمثل نوفيها
وهلا يامرحبا من جانبٍ بالمكرمات يجود = يقدم لاهل الماجوب ماتحطه يمانيها
وهلا يامرحبا ترحيب مع زود الرجال يزود = على فنجال رسلانٍ من اافضل صنف نعبيها
بكنف المجلس اللي في جنابه فاح ريح العود = وبمساره نبدي الترحيبه العطره ونثنيها
وعلى مقداركم يامرحبا ياهل السخا والجود = مراديم الفقار اللي تمايح في صيانيها
عسى ليلن جمعنا بالفرح مثله علينا يعود = ياطيب الجمعه اللي عهدة الاسلاف تحييها
هذا صحيبٍ مع الاصحاب دايم بالوفاء معهود = مع الاصحاب ياخذها على الطاله ويديها
وهذا جارن عزيز وماقفه بالطيبه محمود= مواقيفه مع الجيران مايقدر يخليها
وهذاه ابن عمٍ يربطه فالسلم صلب جدود = مواقفنا مواقيفه مايفرق في مساعيها
لكم كل الشكر وعداد ماهبت هبوب النود = جميلتكم علينا بالمثل ياجب نلبيها