قصيدة الشاعر الكبير عبدالهادي الروقي العتيبي .. وراك ماتزعجين الدمع ياعيني

[ابن نجد]

الشاعر الكبير عبدالهادي الروقي العتيبي غني عن التعريف وله كثيرا من القصائد لكن الناس عرفته بالقصيدة الشهيرة والتي باقية بالذهان وستبقى ، القصيدة غزلية ، ولقد صاغها الشاعر باسلوب فريد لاينبع الا من شاعر كبير تناقلتها الالسن والاعلام واصبحت من التراث والكثير من المحطات في الشام تنقلها على شكل اغنية وفي نهاية الاغنية يكتبون انها من فلكلور تراث البادية ، لكنني اقدمها لكم اليوم كاملة .


عديت في مرقب ٍ والليل ممسينـي
بديار غرب ٍ لعل السيل ما جاها

اضحك مع اللي ضحك و الهم طاويني
طية شنون الطلب لا سربو ماها

و راك ما تزعجين الدمع ياعينـــي
على هنوف ٍ جديد اللبس يزهاها

هبت هبوب الشمال و بردها شيـــن ِ
ما تدفي النار لو حنا شعلناهـــــا

ما يدفي الا حشا مريوشة العيــــن ِ
و الى ظمينا شربنا من ثناياهـــــا

ياشبه و ضحى فتاة ٍ دلها زيـــــن ِ
داجت على عقلة ٍ و الورد ما جاهــا

ياعل من شار بالفرقى عمى العيـــن ِ
مخباط صمعا جليل الفخذ يشظاهــا

جعله حسير ٍ كسير و راكبه ديــــن ِ
و اتلى حلاله ذلول ٍ راح يطلاهــــا


وشكرا لكم وبتواصلكم نستمر
-------------------------------------------------------------------
زماننا غير زمانهم وحتى نتذكر الاولين
اخوكم ابن نجد