والفتى مايكشف الظر عن روحه

[فيصل مطر]

السلام عليكم

اخواني الافاضل اعضاء وزوار منتدى الهيلا عتيبه هاذي الابيات أعجبتني نصا ومظموناوحبيت المشاركه بها وهي ل/الشيخ متعب بن غازي بن متاعب السميري العتيبي, وهو رجلا شرواء الطيبين من الرجال المحسوبين والاخيار,,,آمل انتحوز على رظاكم و(كل عام وانتم بخير)

واجد الي منهم الكبد مجروحه=بالقبور الي على مدخل الديره
الآجال وحفرة الموت مفتوحه=والدهر ما نفقد الا مشاهيره
كم عزيزن راح والروحه الروحه=حطله حملن ثقيلن على غيره
واسمن كبدي وأعاني من أجروحه=ياكثر حبه و ياكبر تكديره
والفتى مايكشف الظر عن روحه=لا مفر من الزمان ومقاديره
شفت بيتن خابره ل العرب دوحه=ل الظيوف ولقصراه ومساييره
الدلال تفوح والحيل مذبوحه=في محل معزبن ماتبي غيره
مايزل وزلت الربع مدموحه=والكبيره عند ابوفايح أصغيره
عن قريبين النظر يبعد الشوحه=نادرن روس النوايف مواكيره
دايم يبدي رفيقه على روحه=طاب مثواء طيب الراس والسيره

مع تحيات
اخوكم
(فيصل مطر)

التوقيع

صاحبي عوده ليان أليا ثنيته=مودمين كنه الداب يتلوى مودمين طول عمري ما لقيته=مالقيته في عيال آدم وحوى والجديل الي عليه الياء رميته=قام يسترسل طويله ويتطوى (فيصل مطر)