عبدالله الميزاني**عبدالحميد الفهمي

[نبض الكلام]

السلام عليكم ورحمة الله وبركاته..



وننقل لكم. محـآوره جميـــــــله.جداً التي. دآرت بين الشآعرين الكبيـرين

(عبدالحميـد الفهمـي * *عبدالله الميزآني)

عبدالله الميزآني
سلام ياهل الديار اللي عوا من دونها الذيب * * بني فهم موقفين البحر عن ساحل تهامه
اشوف بعض العيون اللي كما روس المشاهيب * * لكن مدري ظفرولا تطيش من الرخآمه

عبدالحميـد الفهمـي
يامرحبا ياهلا ياضيف في حلت معازيب * * والا فهم يالمطيري في جبين المجد شامه
ياجار يثرب عليك الهون مايلحقك تثريب * * مير احمدالله ياعبدالله ليا جات السلامه

عبدالله الميزآني
الروح صيده على شان المنايا و المخاليب * * عسى فهم ماتجيب اخبار عن يوم القيامه
انا ادري إنك مربع في محاجي ضلع وشعيب * * بس اكثر احيان ماتصلح عليك الإبتسامه

عبدالحميـد الفهمـي
الروح ماصــادها غير المنايا و المكاتيب * * ولا القيامه لها يالشيخ عبدالله علامه
حنا نلومك ليا ضليت في صف الأجانيب * * وانته ولد عمنا نبغا نلبسك العمامه

عبدالله الميزآني
انتم دقوناً تواما في الحجاز وروس اشانيب * * واطيبكم اللي يشوف البرق ويطوي خيامه
ماني مصاحبك حتى نص راسك يمتلي شيب * * واليا نحرت الجمل والله لا عشيكم سنامه

عبدالحميـد الفهمـي
حنا دقوناً بعيده عن علوم الشك و الريب * * ماني معاتبك والمكلوم بين من كلامه
العاده الجاهليه ضيعتك من الاصاحيب * * لكن ياللي جلبت شعيل لا تفلت خطامه

عبدالله الميزآني
إليا لقيت الحرار اللي على روس المراقيب * * يروح شاعر فهم يرقد وبقشه في حزآمه
ماهو بدايم تبى تطلع عليك الشمس وتغيب * * والله ولا علم ياقف بك على باب الندامه

عبدالحميـد الفهمـي
يامسبل الثوب لوننصحك عن بعض الاساليب * * تدري ان عود السلم ماهو كما عود الثمامه

, , وسـلامتكم , ,