الحياة الافتراضية !

[زيد ابو كتيفه]

السلام عليكم ..

نغيب وتكون العوده بروح الأخوه الدائمه ..
.
.

يا طير فل الجناح وسابق الغربي = لا هب يمة ديار الشرق عصريه
خذني من إزعاجي الذهني وسافر بي = على مدارات الاجرام السماويه
بنحلق بعيد عن سربك و عن سربي = ونعيشها واقعيه لا خياليه
وان كان تنشد وش اللي معك طاير بي = يا طير .. حلم ٍ قتيل و جمرة ٍ حيه
لو السحابه بجنبي و الفضا دربي = ما كان عشت الحياه الافتراضيه !
ولولا الطموحات زادي والأمل شربي = ما جاوبتني بلحن الصبر قمريه
صبرت واليوم احس الصبر يشعر بي = ضيف ٍ ثقيلٍ على عرشه وكرسيه
يا بعد حلمي على حظي ويا قربي = من قطع راس الضغينه والأنانيه
لو قلت أبـ/اشنّ ضد اهل الجهل حربي = من بـ يتحمل كوارثها الطبيعيه
أجساد الاموات عنها مانع ٍ ضربي = يكرم سلاحي وعنها تكرم ايديه
ياللي تنادي بصوت العزة / ابشر بي = عطني مساحه من الساحه / و حريه
وان كان ما تصبح العالم تفاخر بي = مانيب من تعتزي فيه العتيبيه : )

وسلامتكم ..



تشرفني متابعتكم على تويتر من هنا > https://twitter.com/#!/iZOtaibi