بدايات متنبي عتيبه

[صقر نفي]

ارسل بندر قصيده رائعه لعمه بدر بن خضير القسامي عندما رحل لطلب الرزق
ويقول فيها :

يامل قلب(ن)من معاليقه أوجف===أوجاف فوق الهجن كور(ن)نجيره
اوصلك ياعمي كتاب(ن)مزرف===مع واحد(ن)نبري عليه السريره
ينسى عضوده كل ثور(ن) معلُف===مرغّبه زال الموارد قصيره
قلبه من الضحكان يسعد ويخرّف===اخراف اهل واد(ن)تهانع ثميره
الماكر الي فيه تبع(ن) تخّلف===لافاضي(ن) من عشه تفرق مطيره
خطو البخيل الي على المد يقصف===وان مد له مده ولاهي حقيره
هو مادرى ان الرزق للحي يصرف ===يعطيه من يعطي العطايا الكثيره
المال مثل الفي يرجح وينكف ===واللي يجيبه لابن ادم دبيره
اما انتبه قلبه وتاب وتحسف===ولا لعله في عمات البصيره

استغرب عمه بدر لما وصل اليه من ابن اخيه هذه الابيات وما وصله من مكانه شعريه رغم صغر سنه في ذلك الوقت ورد عليه ابيات رائعه جداً:

يازوع قلبي زوع طير(ن) ليا رف===اللي من المرقاب عجل مطيره
فعله من المقلاب ينطف مع الكف===وخلا على درب الحبارى عثيره
ارسلت يابندر جواب(ن) مزّرف===هرج(ن) بخيص وقد عرفنا قريره
هرج(ن) يغر امن المخاليق ماطف===اللي يداوي حيلته في عشيره
ولاغر من درب الشكالات له شف ===اللي يفاقد هاجسه في ضميره
قله ترا باللي بعدكم تصــــــرف===لاتحسب القلب صاف(ن) غديره
ماولعه راع الجديل المنســـــــف===اللي على الردفين ظاف(ن) جميره
اذكر لي المضمون حيث انك تكلف===والهرج تكفي قلته عن كثيره
يمناك مع يسراك مع خمسك الصف===وربعك ليا عمست عليك البصيره

والله يرحم عنيد الفكر وسبع الليل بندر بن سرور
وعمه بدر
اخوكم صقر نفي