عمري مضى صبري نفذ يا مرامي

[طلال الشمري]

عمري مضى صبري نفذ يا مرامي = والشوق يشعلني سنا في لياليه
أنا تعبت من الهجر والملامي = اللي شعل ناري على ذكر غاليه
وش فايدت قربك ونا بالظلامي = أحلم حلا حلمن طرا في تواليه
والناس حولي غافيه بالمنامي = وأجرّ نوحي والبكى من معاليه
مات الوصل ما فيه غير الكلامي = أضحك بهمسات الفرح مع مساليه
مابي تبيّن ضيقتي بالوسامي = والغصن صابه حرّة الضيم صاليه
ذابت شموع القرب يا أم الزمامي = ووردة لقانا المنتظر مات حاليه
أسرح وأراعي للجروح القيامي = واذكر مكانن درت بالحب حواليه
وليا ذكر حالي على ما يرامي = قلبي عطيبن والمجاريح شماليه
ما عشت ذكرى حلوتن بالهيامي = إلا معك والعشق يشهد مماليه
عمري مضى صبري نفذ يا مرامي = والشوق يشعلني سنا في لياليه

وسلامتكم أخوكم // طلال الشمري
تعليقاتكم ونقدكم شرف لي .