أنا عتيبيٍ عريبٍ معرب .. رشيد الزلامي

[محمد الذيابـــي]

هذه القصيده للشاعر / رشيد الزلامي العتيبي
وهو في الجيش الكويتي في مصر بعد سمع شخص يسب بلده الأسا سي السعوديه قال هذه الابيات
بعد مشاجره بينه وبين الشخص الذي يسب بلده وايقافه عند حده ولم يتجاهل
الزلامي ذلك رغم أنه في الجيش الكويتي

الله من قلب به النار تشتب =هبت ا وشبت وأستمرت شبوبه
قلب غدى للهم مارد ومشرب=وماضاع من هم العرب راح صوبه
هم على ربع وهم على غب=باليوم والساعه همومه تلوبه
والله من عين تصب العبر صب=صب القليب اللى تدارج غروبه
ياعبيد أنا ماني بضب ولد ضب=يصبر لما يسمع وينفخ ذروبه
أنا عتيبي عريب معرب=لي ماقف كل الجميع أشهدوبه
من سب داري قلت له كب ثم كب=وارخصت روحي دون داري جلوبه
لوأتعب بسبابها وتعذب=صبرت من شان الوطن للعقوبه
والسجن مهوب عيب شي مجرب=يعلم المسجون ماهي ذنوبه
يلومني خبل اليا ماتغرب=ينسى الوطن خسروهله يوم جوبه
فوده مع الظفران صفر مكعب=غطيس قلب لذت النوب دوبه
وأنا على كل الجنوب أتقلب=ماذقت حلو النوم يوم أهتنوبه
واقنب قنيب الذيب في راس مرقب=من حرمابه قام ينهش اجنوبه
يطربني الغربي عصير اليا هب=ريح الديار الطاهره مع هبوبه
ريحة هواها مكسب وي مكسب=أخير من ريح البحر والرطوبه
عسا السحاب اللي مع العصر نصب=دلت هماليله اوهبت انصوبه
يسقي وطن راع العقال المقصب=نجد العزيز اوغرب نجد اوجنوبه
ياديرتي ماتقبل الشتم والسب=يا منبع الأ سلام دار العروبه
يفوز مذهبها على كل مذهب=وعلى مقلبت المذاهب عقوبه
تحكم بشرع الله والسيف الأرقب=ولا شق فيها طالب الحق ثوبه

التوقيع

التوقيع محمد الذيابـــي