ابيات ترحيبيه

[فهيد مقعد الرويس]

اليكم بعد السلام عليكم هذه من باب التواصل ابيات ترحيبيه القيتها في زواج بن العم ماجد بن فهيد الرويس والذي اقيم في الصاله الذهبيه بالدوادمي


يوم الخميس الموافق 1-4-1433

ايوالله ان الشعر له في مثل هذيه حضور=اليله اللي نشوة البهجه تنشينابها
شوف الوجيه الطيبه لرجل مدعاة السرور=ولموجب الدعوه مواجيب الوفاء يبدابها
يامرحبا عد الدقايق والثواني فالشهور=شهور السنين الفايته والمقبله في حسابها
في حسابها من خلقة الدنيا الى يوم النشور=ترحيبة اصحاب الوفاء باصحابها واقرابها
اقولها عن سائر اخواني واعم بها الحضور= حسب مناهيج الكرم بسلومها وادابها
قولت هلا والطيب وإدلالِ بهاالكيف محكور=وعلى مفاريد الحشو ومن السمان اشبابها
حق لكم ولاالقدر مهوب باللي في القدور=لوسيقت الاف الابل منا على قصابها
انتم تواجدكم يزيد النور يالحضار نور=فالصاله اللي شرعت لجلك ياماجد بابها
الله يتمم فرحتك ويجنبك كل الشرور=والتهنيه بسمك وبسم ابوك صغت اخطابها
واطيب تحية للحضور إتساق من صدق الشعور= من شاعر لولاالمعزه كان ماغنابها

وسلامتكم