أهل الردى دايم وبفعالهم ماش ..!!

[تركي ابوسباحه العصيمي]

أهل الردى دايم وبفعالهم ماش=وانا من اللي يقدحون الزنادي
ماني من اللي فالمواقيف ينحاش=دايم وعزمي هاوين للعنادي
لني ولد منهو على الطيب بطاش=امكرم الضيفان سقم المعادي
وأبعد مدى منهو على الناس غشاش=يضحك لي ابسنه وقلبه امعادي
في غيبتي دايم على الجسم نهاش=لارحم ابو ساسه ردي المبادي
دايم هروجه كلها كذب وبكاش=الصدق في وادي وهرجه ابوادي
لاصارو الاجواد ل علومه عطاش=علمه عن الدرب الصحيح امتحادي
لاتسند الخوه على واحدن لاش=ايكثر علومه اوراعي دوادي
اجيوش همي غايره داخل الجاش=من عقب ماكانت على وضع هادي
ياتعس قلبن في دروب الحلي طاش=ماعاد يصفى له لذيذ الرقادي
قلبن غرير ومسكنه غرفة انعاش=على هنوفن زينها غير عادي
ابزينها السربوت ماحصل اعراش=راعي علومن ساسها بالسوادي
في عينها ترمي كما رمي رشاش=مضرابها وقع ابصمّ الفؤادي
وفي مبسمه لو يحتوي سم الاحناش=هو سلوة الخاطر وغاية مرادي
طبع الفتى لاشافها صاح ثم شاش=من شانها تَنّسلْ حدب الهنادي
بإسبابها قلبي ركا فوق منقاش=طاح وتورط ف الزمان الهجادي
أمسيت في بحر المناكيد بفراش=سلمت وضعي عند رب العبادي
قلته وفعلي مابنيته على (( ماش ))=لني من اللي يقدحون الزنادي