يـاسـلام الله ســلام ٍ دمـعـتـه مـــن فـــوق خـــده (جديد بخيت السناني )

[تركي الصفياني]

بسم الله الرحمن الرحيم

السلام عليكم ورحمة الله وبركاته

مسااااااااااكم الله بالخير
زوار واعضاء منتديات الهيلا عتيبه

جرت البارحة 20/3/1433هـ محاورة مباشرة في احد المنتديات المجاورة
بين الشاعر الكبير / بخيت السناني ( شافاه الله )

والشاعر / عبدالملك المستوري
نترككم مع الإبداع



بخيت السناني


يـاسـلام الله ســلام ٍ دمـعـتـه مـــن فـــوق خـــده
............. دمعة ً سالت على فرقاء الجبرتي وعوض الله


وانــت ياعبدالمـلـك نـجـم ً مـنـور نـصـف جــده
............. مـيــر عقـبـالـك تــنــور لـسـمــاء والــســوق كــلــه







عبدالملك المستوري





مرحبا وأن كان دمع العين من زود المـوده
............. لاتــهــل الــدمــع لـسـلـمـان للـجـهـنـان هــلــه


وانت نجم ً كان يوضي كل ينبع قبل مده
............. نجـم والشعـار مبـداهـم مـثـل مـبـداء الاهـلـه







بخيت السناني





راح وقتك وانت مابين الجموم وبيـن حـده
............. والـحـرم بيـنـك وبيـنـه كــم كيـلـو ماتـصـلـه


صون نفسك وانطق الواقع وحظك لاتهده
............. زيـد واحـد فـوق سبعـه لاتزيـد الطيـن بلـه







عبدالملك المستوري





والله انـي مـعـك ماضـريـت راســي بالمـخـده
............. طول عمري مامشيت الا على مذهب ومله


وانـت لــو يطـلـق عنـانـك ماتوقـيـك الاشــده
............. حط سبعه فوق واحد والذكـاء طبـع وجبلـه







بخيت السناني





بــارك الله فالزعـيـم الـلـي عـلـومـه مسـتـجـده
............. دايـمـاً بـيـت الشـعـر ماتسـتـره غـيـر الاخـلــه


ياصحيبي فيه موقف كيف فاتـك وانـت قـده
............. اعوض الله يوم كب الشعر من رشح محله







عبدالملك المستوري





الـكــلام الـلــي تـعــده غــيــرك الـعـالــم تــعــده
............. بيتـنـا بـيــت الـــذرى والـحــر جنـحـانـه تـقـلـه


موقـفـي مايختـلـف والظـفـر عــزه ولــد جـــده
............. و اعوض الله رشح اللي كلبوكم تحت ظله







بخيت السناني





مانقول الا الكلام اللي نقوله قبـل مـده
............. كان فيها مشكله هاذي قضيه مستقله


موقفك مايختلف والكل ياقف عند حده
............. الله اعلم الله اعلـم فيـه بالتوزيـع خلـه







عبدالملك المستوري





صاحبك عبدالملك يابخيت ماينبـاح سـده
............. مايجـيـب الا الـكـلام الـلـي مثـبـت بـالادلـه


انـت تعرفنـي بقيلـي ماقفـي ماعنـه صــده
............. والبقيلي من سليم اللي مايرضون المذله

آخر تعديل تركي الصفياني يوم 12-Feb-2012 في 06:30 PM.