الشوارد واليتيم؟؟؟؟؟

[العصيمي مشعل]

شوارد:ــ
(1)

هاجوس في هاجوس حطم حياتــي=وكثر النياحه فيه عيب ٍ ومذمـــوم
يالله تقبل توبتي مع صلاتـــــــــــي=عبدك عن الزلات مهوب معّصوم

(2)

ليت الليالي ما تخفي عليـــــه=وقت الرحيل اتقول شد الحزامــي
واحسب حساب المقفيه للمنيه=والمقبله تاقف وراء كل زامـــــي

(3)

مريت دار ٍ للمحبين مهجــــــــــور=شدوا منه يا سعود باول شبابــي
واليوم انا شايب وفي الحي انا ادور=مالي جداء يا كود ذكرى عذابي
نجل العيون اللي لهن لبت انحــــور=مفاتن العشاق تلعات الارقابـــي

(4)

اللي هجاكم يا عريبين الانســــــاب=اليوم سيفه منكسر مع نصابـــه
عليه منا اللوم شابك له غــــــــراب=وحط الشهانه في مرابي غرابه
هو يحّسب نه حر من ماكر هضاب=يبغا منه مكسب ودنس ثيابـــــه

(5)
بيت يتيم

يا ما ذبحنا الحيل ومدتنا جــزال=يوم السنين المعسره ما هفينــا

الشاعر/مشعل بن صنت العصيمي

آخر تعديل العصيمي مشعل يوم 09-Feb-2012 في 12:24 AM.