ليلٍ سرمدي

[جمال منير]

.
.
السلام عليكم
.
.
.

الليل لـيلٍ سرمدي وأسود مـن اجناح الـغراب=والجدي نورٍ للدليل وبيني وبينه غطـا
مـاشوف من وجه السماء حتى ولو كبر الذباب=والراي لا الاول ولا الثاني ولا راي اوسطـا
وليا رفعّت الصوت انادي ردتّه سود الـهضاب=ومكتوب نقشٍ فالصفا (ممنوع عن حث الخطا)
محتار ويش اختار نار الـشوق وأنواع العذاب=ولا طريق الجمره اللي فوقها العاشق وطا
تعال عالـج طعنتّك واحزم على الـجرح المصاب=مجروح من رمح الفراق اللي بمعلوقي سطا
ماني بناشد. ويـن رحت ولـيـه واسباب الغيـاب=اللي حضر يشفع لـه حضوره ولــو طال البطا
فان جيت انا ظامي ووصلك مثل همال السحاب=وان رحت من روحّتك مـاقلنا مراويح الـقطا

.
.
.
.
وسلامتكم,,,