العازمي.الغنامي.السلمي,الفهمي

[نبض الكلام]

مِن حفل تكريم الشاعر القدير . محمد السناني . بـ لقب : (( شاعر الموسم )) ,


محمد العازمي ,




يستاهل التكريم ابن متروك

الشاعر اللي شـرف جهينـه




فالح الغنامي ,




يالله عسى ليل السعد مبروك

الـحــق مــــا مــالــت مـوازيـنــه




راضي السلمي ,




هذا كلامك ما عليه شكوك

يالله لـعـلـه تـطــول سنـيـنـه




عبدالحميد الفهمي ,




الله يسمع منك وانا اخوك

والـحـق معـروفـه مواميـنـه




محمد العازمي ,




اللي يقول الورد مثل الشوك

خلـه ينـوش الـشـوك بيديـنـه




فالح الغنامي ,




العرف عمله والعقول بنوك

واللـي خسـر يقفـل دكاكينـه




راضي السلمي ,




العازمـي طايـر لاهـل كركـوك

ما عاد تصل الارض رجلينه




عبدالحميد الفهمي ,




اللي غدى مملوك عند ملوك

قــال انـهـا زيـنـه وهــي زِيـنـه




محمد العازمي ,




راضي غزى مع غزوة اليرموك

والـحــرب مـعـروفــه سـلاطـيـنـه




فالح الغنامي ,




إن صار فالفيش التماس سلوك

عـبـدالـحـمـيــد يـــوخــــر يــديـــنـــه




راضي السلمي ,




لا تسمع اللي بالحكي غشوك

الـحــرب مـــا تـعــرف ميـاديـنـه




عبدالحميد الفهمي ,




هبو لابو عمار بالسنبوك

لـكـن مــا حــرر فلسطيـنـه




محمد العازمي ,




فيما مضى باب القشر مصكوك

وفــكــوه يــــا راضــــي شـيـاطـيـنـه




فالح الغنامي ,




نظام ابو عمار هات ودوك

ويـش العلاقـه بينـك وبيـنـه




راضي السلمي ,




مانته بقادر تقنع الصعلوك

لو كان ترطم خشمه وعينه




عبدالحميد الفهمي ,




جابوك وسط المعمعه واعموك

والـعـلــم بــيــن مــــن عـنـاويـنـه




محمد العازمي ,




شيـل البطاقـه ردهـا فالبـوك

ترى اسمك الجمهور قارينه




فالح الغنامي ,




يا زين ريح العود يوم يصوك

واللي ما هو بالعـود يـا شينـه




راضي السلمي ,




يا محمد انته مانت مثل ابوك

الـلــي عـلــى الـسـنـة قـوانـيـنـه




عبدالحميد الفهمي ,




يا فالح المغشوش به غشوك

لك عين ما تدري عـن العينـه




وسوالم