الشاعر/سلمان بن صالح بن سلمان الدلبحي في مدح ربعه

[-عذب المشاعر-]

قصيدة للشاعر /سلمان بن صالح الدلبحي
يمدح فيها اعمامه "ابناء سلمان بن فهيد بن عبيسان الدلبحي يرحمه الله"
(نجر بن سلمان , ناصر بن سلمان , محمد بن سلمان)
وخواله "ابناء سليم بن دخيل الله الدلبحي يرحمه الله

(غازي بن سليم , غزاي بن سليم ,جزاء بن سليم, شجاع بن سليم , سفر بن سليم, مسفر بن سليم)

تروح سنين والذيب يعوي ويروع الهافين
واذا ماصرت ذيبٍ لاتفكر في مخاشرها
ومن يمسك صكوك الطيب بالنوماس و الوافين
واعرفه ضاريٍ بالطيب بافعاله وخابرها
وهذا نجر بن سلمان ياوافي مع الناصين
هذا من عاده صغيرٍ دلال الطيب شاربها
اقوله لانصيت ابواب بيته تطلب اللافين
وشعلات السمر تشتب والرسلان راكزها
ومن حيل الغنم يذبح على مر الزمن وسنين
على ماكان ابونجر الكريم، الحيل ذابحها
رجالٍ تعرف جزال المكارم بالوفا مضرين
وتحكي بالسنين الفايتة قصة طبايعها
عمامي عزوتي لامن عجز ظهري حمول سنين
اوجه ما عجزته والتقي فيهم بشايلها
رجال من رجال تكرم الناصين والجايين
وفيها يزبن الجاني وما ينضام زابنها
ولا هانوا ذو سليم خوالي بالكرم عجلين
شيوخ تحمل الوية المكارم في مناكبها
عزيزين المقام وضربهم ما ينجي معادين
وتيجان الفخر لبس لهم والشيخ لابسها
وذا غازي زبون الطيب عداه الردى والشين
وانا فيهم جزال امثالنا بالطيب ضاربها
وعلى محمد نبي الله صلو هو رسول الدين
منير بدعوته واطيب خصال الطيب جامعها