ولا الاوفيا

[ابن سلوم الهيلوم]

هذه القصيده مهداه للشيخ مسعد بن سمار العتيبي والشاعر حبيب العازمي

عسى ان تصلهم عن طريق هذا الصرح الشامخ

منتدى الهيلا


نعم الولا المعهود يارجل الاعمال =من مالك اوطانك ماهيب محرومه

خير(ن)عطاه الله من الناس رجال =ثم عزبه دينه وداره وقومه

ذخرالكرام اللي رفع روس الاجيال =وافي شبور وكل طايل يرومه

واضح وضوح سهيل من صخر المال =مسعدينال اعجاب شعب وحكومه

نظم بطوله بأسم زيزوم الابطال =اللي على الاوطان تمطر غيومه

ينطق رعد وبرق والغيث شلال =على الوطا والعشب غطا حزومه

عم بعطاه بحور وسهول واجبال =وحقق حلوم الشعب والغا همومه

ريف الكبود اللي كواها اشهب اللال =وعون المسن اللي تهاوت عزومه

كم شايب من شدة الفقر ذلال =من ضيق ذات اليد فنيت هدومه

فنيت على ظهره وهو حي لازال =وجاه الضمان وحقق اكثر حلومه

كانت تمر شهور مايملك ريال =واليوم فوق اهل الوظايف قسومه

بأمر المليك اللي عن الحق مامال =يسعد محبينه ويقهر خصومه

حاكم حليم وللشر ابيك حلال =كم حل عقد حبال وانهى خصومه

حي الزعيم اللي للاثقال شيال =ومن حقنا نفرح بساعة قدومه

تبقى يابو متعب لنا درع وضلال =وعدل على الظالم تهاوى سهومه

واعود للي يوم عم الفرح قال =في شاشة المرقاب للشعر قومه

يامعشر الشعار ذربين الاقوال =كلن على المرقاب يرسل علومه

مباشره وإلا مع ابراج الارسال=هاذي قناة الشعر وانتم نجومه

وكل الجوائز والمصاريف بالحال=من حر مالي والكرام مخدومه

مادور المكسب ورا ارسال جوال =وغيره يزيد من الرسايل رقومه

هذاك هو مسعد بلا شك وجدال=شيخ وعلى الجزلات نفسه عزومه

ولمسات ابو فيصل لها دور فعال=اذكى رموز الشعر واعلا رجومه

اليوم انا ابي القبه بحر الاهوال=بحر غزير وصعب ماحدن يعومه

فخه يصيد ادهى مراوغ ومحتال=ومعناه يخشى كل شاعر هجومه

هذه هدية ود واكبار واجلال =والطيبه عند الكرام معزومه

فعولهم تبعث على راحة البال= شاعر ورجل اعمال وابنا عمومه


وسلامتكم