ليله وانـا مرتـاح فـي احلـى منـام "=" جتني طمـوح النفـس سـر الغـرام
واوصتنـي احفـض سرهـا باحتـرام "=" لايسمـعـن السـيـدات الاديـبـات
وتقول انا جيتـك مـن ارض بعيـده "=" اسمع ببـو مطلـق واحبـه واريـده
لعلـنـا نحـيـا حـيـات سعـيـده "=ونعـج فـي مستقبـل الوقـت عجـات
قلت اجعلى صدقـك يغطـي مزوحـك "=" وانا الطبيب اللـى يـداوي جروحـك
مير اخبريني عـن حياتـك وروحـك "=بالله مـن ايـات النحـايـا والامــات
قالـت ايرانيـه ومـن ديـرة ايـران "= جابتني الاقـدار مـن ذيـك الاوطـان
قلت الغصـون تميـل والعـود ريـان "=" ياكثـر كـذب ام العيـون الكحيـلات
قالت عراقيـه ومـن ذيـك الاقطـار "=" ادرى على ذا الروح مـن كـل غـدار
قلـت اه ياريـم الفـلا منـك مـكـار "=" ياكثـر كـذب ام العيـون الكحيـلات
قالـت ترانـي مـن بـلاد الشوامـي "=" من سوريه قلـت اتركـي هالكلامـي
يبـو انهـود مثـل تفـاح شـامـي "=" ياكثـر كـذب ام العيـون الكحيـلات
قالـت ترانـي مـن هذيـك النحيـه "= مـن ناحيـة عمـان الارض الهنيـه
قلت اعتقـد مانتـي صحيـح اردنيـه "=" ياكثـر كـذب ام العيـون الكحيـلات
قالـت ترانـي مـن قطـر ياثبيـتـي "=" هات القلم وكتب للك اوصـاف بيتـي
قلت اختبرناك وعلى الصـدق ا بيتـي "= ياكثـر كـذب ام العيـون الكحيـلات
قالت خذ الصدق واخذ اقصى الحقيقـه "=" مـن الكويـت اللـى بلدكـم شقيقـه
قالـت اثـر ساعتكـم تقـدم دقيـقـه "=" ياكثـر كـذب ام العيـون الكحيـلات
قالت خـذ اعلومـي وسجـل خبرهـا "=" من تونس الخضرا سقـى الله ديرهـا
قـلـت الثـريـا لاتغـالـط قمـرهـا "=" ياكثـر كـذب ام العيـون الكحيـلات
قلـت نبـي نقنـع مجيـب وسـايـل "=" من ليبيه ياخـي ويـش انـت قايـل
قلـت السفـاره تبعـث النـا رسايـل "=" ياكثـر كـذب ام العيـون الكحيـلات
قالت نبي نقصر لـك العلـم قصـرى "=" اليا بغيت الصدق من شعـب مصـرى
قلت ابني من الكذب عشرين قصـرى "=" ياكثـر كـذب ام العيـون الكحيـلات
قالت عسى رب الملا يصلـح الشـان "=" منشي سحاب الغيث من غر الامـزان
لن سلتني ياخـي مـن شعـب لبنـان "=" ياللـى تسـب ام العيـون الكحيـلات
قلـت الحـذر منكـن فـرض وسنـه "=" ياكم ركبنا الخيـل مـن غيـر اعنـه
يجب علينا الحـرص مـن كيـد كنـه "=" في وقتنا الحاضر وفي كـل الاوقـات
امشي على مهلك واناامشـي بمهلـي "=" ياحلوت الخديـن لـن سمعـوا اهلـي
اخـاف مايلتـف شمللـك وشمـلـي "=" قلتـه وقالـت ليتهـا كـان مـاجـات
حبك كـوى قلبـي وهشـم ضلوعـي "=" تنـاول المنديـل مـسـح دمـوعـي
قلت ابشري مـولاك ماهـو قطوعـي "=" وانـا مـن ارجـال تحـل المهمـات
بكـره يبـي يخطبـك اميـر بـدالـي "=" ناصـر بـن معمـر كريـم السبالـي
قالـت صحيـح انـه عزيـز وغالـي "=" لكـن مامالـت لـه النفـس ميـلات
قلت امطـر خيالـك وسيلـك نحـاوي "=" لاتحسنين الضـن فـي كـل غـاوي
عبدالعزيـز بـن معـمـر غـنـاوي "=" قالت عنه قلبـي ضـرب لـه نحيـات
قلـت الله ينسيـك هـمـك وهـمـي =" ابالعـلا مانـع تريـه بــن عـمـي
قالـت كفـو لاكـن مـاهـو بيـمـي "=" يقولـون مانـع مايبـي الاجنبـيـات
قالـت تـراك اتعبتـي يابـن تـويـم "=" وانشبتنـي فـي خـط كلـه ملـفـات
قلت الشريف حسين لن جـاك ضنـي "=" راعـي هـروج مثـل هيـل وبـنـي
قالـت مـن ايـدق الطبـول ويغنـي "=" قلب الشريف يميـل نحـو الشريفـات
قلـت ان هـداك الله ياعسـل ذايـب "=" يقولون يحيـا شيـخ ماهـو بخايـب
كنه ولـد وان كـان اريتيـه شايـب "=" قالـت عدلنـا عـن ملاييـن وميـات
قلت ارقصي فـوق الغصـن ياحمامـه "=" لقيـت شفـك مـن رجـال الشهامـه
ياسيـن راعــي فـلـه بالسـلامـه "=" قالت علومـي عـن علومـه بعيـدات
قلـت اه ياضبـي عديـم الوصايـف "=" دنيـاك يالغالـي كمـا مانـت شايـف
طلعت تـورى فيـه والاانـت عايـف "=" قالت ماسب اهل الشـرف والمـروات
قلت الشـرف مافـور والعـز ضـاف "=" ذكرت لـي شخـص لبوسـه رهـاف
اسمـه جمـال الزمـزي يالسـنـاف "=" قالت شربنـا المـا مـن الزمزميـات
قلت اشكل علومـك طـوال عـراض "=" الغايه ابارضى للـك اسـراج قاضـي
قالت على صرف النضـر والتغاضـي "=" نمضي لكـم باقلامنـا عشـر مـرات
قلـت الحميـدي لا يفوتـك نصيحـه "=" لن كان اثـر نيتـك معنـا صحيحـه
راعي الصحن فـي حلتـه والذبيحـه "=" قالت كفـو ميـر العـذارى كثيـرات
قلـت العفـو نسيـت واليـوم ذاكـر "=" مـن راينـا نعطيـك محمـود شاكـر
قالت نرد للـك الخبـر صبـح باكـر "=" والعيـن تاشـر والسرايـر خفـيـات
قلت احسنـي ضنـك وقلبـك دليلـك "=" عبدالله قصيـر يبـي يستـوي للـك
واليا استويتـي لـه يسجـل جميللـك "=" قالت قلـوب اهـل المحبـه سجـلات
قلت اثـر سوقـك مصـدر للخسـاره "=" مانـاسـبـوك موضـفـيـن الاداره
قالـت شرفنـا مايبـي عبـس جـاره "=" لوكيدكـم يرجـح بكـيـد الزكـيـات
قلت ارتضي للك واحد مـن ازملايـه "=" ولكـل مشكلـت" علـى الله نهـايـه
جـار الله السـواط فيـيـه الكفـايـه "=" قالـت وجـع لايسمـعـن الفتـايـات
قلت العصيمـي مـن رجـال الشكالـه "=" اخذيـه قـالـت مافتـنـي جمـالـه
ياخـذ لـه اعصيميـت شـف بالـه "=" ماعاشـر البـدوان غيـر ابـدويـات
قلـت الجعيـد الضاهـر انـه شفيـه "=" ابـن طنـف راعـي العلـوم النقيـه
قـالـت دخيلـلـك لاتـدلـه علـيـه "=" أقـر عليـه الفاتـحـه والتحـيـات
قلـت الحـلا ضـد البـلا والمـراره "=" عندي للك مريسي سقـى الله ديـاره
قالت عسـى عينـي ماتشـوف داره "=" الحـارثـي يكفـنـه الحـارثـيـات
قلـت الذويبـي عزوتـه يمدحـونـه "=" قالـت سمعنـا بـه ونسمـع لحونـه
مـن دون قاصـر فيـه ولا مهـونـه "=" حلفـت مانضـوي قرايـا الذويبـات
قلت ارضهم فيهـا هضـاب الغميمـي "=" اللى رعى فـي عشبهـا كـل ريمـي
قالـت تعلـم لـك غـزال غشيـمـي "=" عاش بجبـل لبنـان بيـن الجنينـات
قلت اخبر النا صاحـب فـب المطافـي "=" في الروضه الى دون ربـع المصافـي
عبدالله اللـى قلبـه ابيـض وصافـي "=" قالت عرفنا الفضـه مـن الجنيهـات
قلـت الحقيقـه مابغيـت انتـفـارق "=" حلفـت يابعـد ان حضنـك تصافـق
لا عطيك بن شلاح لـن كـان وافـق "=" نبي نصل جده بعـد خمـس لحضـات
قالت يبـو سلطـان كـب المطيـري "=" خله يدور لـه مـن البيـض غيـري
قلـت التـوي يالخاينـه بالشجـاري "=" وابكي وانا اضحك راحت علومك افوات
ليتك كمـا ماغابـت الشمـس غبتـي "=" اتعبتـي بـن تويـم ونتـي تعبـتـي
حلفـت مانعطيـك غيـر الجبـرتـي "=" عيشي معه رغـم علـى كـل شمـات
قالـت بليتـونـي بـعـود مقـفـي "=" مانـي بـلا شفـه ولاهـو بشـفـي
تـراك لـن حطيـت كـفـه بكـفـي "=" ابانتحر واموت مـن جيـز الامـوات
قلت الله يسهـل للـك بسـم ساعـه "=" ياكامـل الاوصـاف وش ذا الدلاعـه
توعتنـي وان كـان مانـي متـاعـه "=" قالـت نبـي حـل القضيـه بالاثبـات
لاعـاد يامحمـد مـن اجلـي تعنـي "=" ماريـد يابـن تويـم غيـر المهـنـا
عسانـي اتـريـح مـعـه واتهـنـا "=" وارمي همومي في بحـور الضلمـات
ثـم افرحتنـي حـيـن ماخبرتـنـي "=" ومـن الفـرح بعـد انهـا بشرتنـي
شكرتـهـا ماكـنـهـا عذبـتـنـي "=" وقلـت ياروحـي تناسـي بمـا فـات
ياقايـد الغـزلان انـا اقـول طـيـب "=" لنـدن عـن الطايـف بعيـد وقريـب
يالله تجيـنـا بالصـديـق المغـيـب "=" يـارب الارض الطاهـره والسمـوات
نبـي لنـا يانـاس حفـلـه كبـيـره "=" جيبـو لنـا سلـوى وجيبـو خديجـه
ودقو طبول العرس فـي ذا الجزيـره "=" مبروك يابنـت مـن احلـى البنيـات
ابـو فـهـد عـاقـل وتستاهليـنـه "=" وان كـان فـي ماضيـك ماتعرفينـه
سبحان مـن سخـرك لـه تعشقينـه "=" يـاام الثمـان البيـض وام الشفيـات
تمتـعـو واللـيـل خـلـوه ليلـيـن "=" وشهر العسل يازيـن خلـوه شهريـن
يالله لا فـرقـت مابـيـن الااثنـيـن "=" ياللى جمعت الشمل في سبع ساعـات
ياهـل العقـول الراسيـات الثـقـال "=" هذي طريقة حلمي اللـى جـرى لـي
ميـر اسمحولـي ياثقـات الـرجـال "=" لن كان في بعـض المعانـي مطبـات
تمت وصلي الله علـى كامـل النـور "=" اعـداد مامـن حـي يحـج ويـزور
واعـداد ماخطـن الاقـلام بسـطـور "=" واعداد من يقرا الصحـف والمجـلات
منقـــــــــــــــول واتمنى تنول اعجاب الجميع
آخر تعديل هجاد الثبيتي يوم 05-Jan-2012 في 11:15 PM.