نشـــوة الشعــــر

[عجاج الليل]

اخواني وأعزائي مشرفي واعضاء وضيوف هذا المنتدى الكبير يشرفني ان اشارك معكم بهذه القصيدة لأحد شباب العتبان الذي سيصبح له شأناً في المستقبل. وإليكم القصيدة :

للشعر نشوه ساعـة أحـسّ بالضيـق
أرتـاح لاقلتـه لـو البـال ضـايـق

أكتب وأنا من ضيقتـي ناشـف الريـق
ولـو كـان مانـي للقصايـد بـرايـق

ياصاحبـي ماخفـت هـرج المخاليـق
مافيـه أحـد رضيـو عليـه الخلايـق

يـاورد تسألـنـي كـأنّــــــي بتحقـيـــق
وأنـا أدري إنّـه ماخفتـك الحقـايـق

الحـب مايوخـذ بعـهـد ومواثـيـق
ولاينكتـب للحـب عـهـد ووثـايـق

الـحـب لازار القـلـوب المغالـيـق
فتّـح صناديـق الخـفـوق الغـلايـق

والحـب لاقفّـى لـو إنّـا مشافـيـق
والله مايرجـع لـو تَشّـب الحـرايـق

ماهو بكيفي آحـب مـن دون تفريـق
وفي ذمتـي ماإختـرت حتـى الرفايـق

ياورد لـو إنـك علـى قلبـي تويـق
بتشوف لك شيءٍ عن الوصـف فايـق

إن قلت لـك بإنـي لمـا قلتـه آطيـق
فإعـرف تـرى مانـي لهـذا بطايـق

الله يزيّنـهـا ومـنــه التـوافـيـق
وربـي يزيـل همومـنـا والعـوايـق

أضحك وأنا من ضيقتي ناشـف الريـق
وأنتم تحسبونـي مـن الضحـك رايـق

أضحك وأنا من ضيق في ضيق في ضيق
وياالله تشـرح خاطـري لـن تضايـق

ولكم تحيـــــــــــــــــــــــــــــــــــــــاتــــــ ــــــــي