ثدي أمي

[غالب الذيابي]

وقت العجايب جاب علمٍ عجيبي=اللي سمعنا فيه واللي قريناه
راحت عتيبة مطمعة للغريبي= حتى تسمىّ بالبدود المسماة
كم خايبٍ منزل هله بالشعيبي=يقرن بساسه طيب الجد والجاه
ومضيع أصله يزعم انه عتيبي= واللي فقد بيت النسب وين يلقاه؟!.
رح وازهمه في سهل وألا صعيبي=وتشوف لون البغض يقنع محياه
يقول أنا للعنصرية حريبي= حنا الغلط وهو الذي يعرف الله
ناهيك عن طبع الكرم صار عيبي=في معتقدهم ما يحبون طرياه
والفرق واضح بين حصني وذيبي=والذيب ما حليا الثعالب بحلياه
واللي دعى القاصي يعوّد قريبي = عزٍ شداده فالبيوت المبناه
في دوحة الهيلا كعام الحريبي= ثدي أمّنا غذى رسوله وقواه
هذا وأنا لي قول أشوفه مصيبي= من دون مسٍ فالبيوت المسماه
من لا يسجل فــ البطاقة عتيبي=خله يروح روحة مقيط ورشاه

التوقيع

: : : إذا الكريمُ رأى الخمولَ نزيلـهُ=في منزل فالحـزمُ أن يترحـلا كالبدرَ لمّا أن تضاءل جدّ فـي =طلبِ الكمـال ِ فحـازهُ متنقـلا سفهاً لحلمكِ إن رضيتَ بمشربٍ =رمق ٍ ورزق الله قد ملأ المـلا لا ترضَ من دنياكَ ما يدنيكَ من =دنس ٍ وكن طيفا جلا ثم انجـلا صفحتي على التويتر

آخر تعديل غالب الذيابي يوم 16-Nov-2011 في 03:47 AM.