دهـن الـزور..!!

[عناد الشيباني]

السلام عليكم ..


سمو..

الضيقة اللي بوسط الصدر محبوسه=كملي وانا في صميم القلب حابسها
بالصبر والعزم احاول ضيقي ادوسه=اعود النفس للقمّه واحمسها
من شان ناسٍ بتال الوقت منحوسه=انطحت دقت وترها مع مراوسها
تفرح لامن الحزن لبست ملبوسه=وعلى دروب الردى تنشي مدارسها
تبحث عن الهفوه اللي غير محسوسه=واتزيدها بالسوالف لين تسسها
على المقفي حصان الغيبه اتلوسه=ياجعل مطرق قوي الباس لايسها
بقلوبها شجرةٍ للحسد مغروسه=اشره على لحيةٍ تاتي مجالسها
ناسٍ ذممها بدهن الزور مغموسه!!=حسبي عليها ومن حاول يغامسها
لوعندها ملك عد الرزق ورسوسه=امسيت والريق لاض القيض مبسها
لكن الارزاق عند الله محروسه=ماحدٍ من الأنس والاالجن حارسها
واللي لهم فالزمان ادروب معكوسه=كرامتي عندهم ماني مدنسها
اشوم مثل الحرار اومشيي اقوسه=يوم الجيف دوم للغربان تفرسها
وياللي فلوس الرشاوي معك مدسوسه=اعلامك الوقت لابده ينكسها
يمناً رضت كل راشي واخذت افلوسه=لابارك الله في يمناً تخامسها
والوقت لو شان منهاجه وقاموسه=تبقى التجارب مع الايام ندرسها

عناد الشيباني..

آخر تعديل عناد الشيباني يوم 27-Oct-2011 في 06:33 PM.