ماهمني نقالة القال والقيل

[محمد الذيابـــي]

ياالله يامنشـي مـزون الهماليـل = يالواحد اللي من عذابـه نخافـي
تفرج لقلـبٍ غربلتـه البهاذيـل =اللي سببها بـان ماكـان خافـي
مادام قدري في عيون الرجاجيـل=وافي مثل مقدارهـم عنـد وافـي
ومادامني من روس قومٍ حلاحيـل =وارد على جـمٍ غزيـرٍ وصافـي
ماهمنـي نقالـة القـال والقيـل =ولا دنافيس النفـوس الضعافـي
اسرج اركابي والهدف نجمة سهيل=واسوقها للعز لـو كنـت حافـي
واحب شوف النار جنب المعاميـل=واشفق على صفقة رفيقٍ سنافـي
ودلال بنٍ فايـحٍ وسطهـا الهيـل=وتمر الخلاص الي مذاقه يشافـي
وانحاستين من حليب المشاميـل =أباكـرٍ ترعـى نبـات الفيـافـي
وسوالفٍ تبري الكبـود المغاليـل =ومجلس شرف مايدخله كل هافـي
على شحم حيلٍ سمـانٍ مواحيـل =وقصيد ابن لعبون ولا النصافـي
وخوة رجالٍ يرجحـون المكاييـل =معك معك في الشر ولا العوافـي
ماهي بخـوة حابليـن المحابيـل =سوالفٍ تسفي عليهـا السوافـي
هذي طراة العمر يااهل التماثيـل =ومنهوفعل فعـلٍ جميـلٍ يشافـي

:


للشاعر....سالم آل مخلص


:


أعجبتني كثيراً

التوقيع

التوقيع محمد الذيابـــي