مرثيه في الملك فهد بن عبد العزيز للشاعر مصلح بن عياد

[بدر الشلوي]

هذه المرثيه في فقيد الأمه الملك فهد بن عبد العزيز رحمه الله صاغ أبياتها الشاعر الكبير مصلح بن عياد الشلوي

نهار الأثنين يا راس الشرف والمجد حان الوداع=وأصبحت في غرفةٍ صكوا درايشها وبيبانها
أمسيت حاكم على قيد الحياه وفي قصورٍ وساع=وأصبحت جثه جنازه هامده من فوق عمدانها
الله يرحمك يا بو فيصل الرجل الحكيم الشجاع=يا راعي الهيبه اللي سجل التاريخ برهانها
الله يرحمك يا زبن الدخيل ويا طويل الذراع=يا راعي الكلمه اللي دوّن التاريخ عنوانها
الله يرحمك يا سقم العدا طب القلوب الوجاع=يا راعي الصيحه اللي صاحت العالم على شانها
الله يرحمك يا حاكم بلادٍ ملكها ما يباع=يا راعي النهضه اللي عانق المريخ بنيانها
الله يرحمك يا خادم بيوت الله سبع السباع=يا راعي الطبعه اللي وزع التاريخ قرآنها
الله يرحمك يا رجل السياسه وأختصار النزاع=يا راعي الخطه اللي حطم الطاغوت بركانها
الله يرحمك يا ريف اليتاما والضعوف الجياع=يا راعي المده اللي رجّح الميزان ميزانها
عز الله أنك بذلن الجهد لين أن التلفزون ذاع=أعلن وفاتك وعم الحزن دولتنا وسكانها
عز الله أنك فقيده لكن أمر الله فينا مطاع=الله يجبر عزا الدوله وحاكمها وسلطانها
يعوضنا فيك أبو متعب وأبو خالد وزير الدفاع=حكامنا اللي خلفها من سلفها صحّت أبدانها
الدوله اللي لها حكّام بأمر الله تزيد أرتفاع=والدوله اللي بلا حكّام ما ينذل شيطانها
نجدّد العهد والطاعه ونعلنها هجوم ودفاع=نيابةٍ عن بن الحارث عوارفها وشيخانها