ديوان الشاعر ماجد بن عبود بن مزيد بن مغيرق

[أبو محالة]

مشكور يا مرزوق ويا ذيبان على الجهد المذكور
مع تجيات أبو محاله

هذه قصيدة وساع الفجوج للشاعر المبدع والمطبوع شاعر الفصحى وما يسمى بالشعر الشعبي أو النبطي وسبق أن نشرت في جريدة الجزيرة وصار لها صدى وردود من الشعراء والقراء ومن هو هذا الشاعر هو عبدالله بن متعب السميح وقد رد عليه ماجد بن عبود بن مغيرق بالقصيده التالية ولو أن الشطر الأخير يختلف عن شطر قصيدة السميح الأخير .
وهذه قصيدة السميح وساع الفجوج ويليها قصيدة أبو طلال ماجد بن عبود بن مغيرق:
وساع الفجوج

فداك الكرى ياهاجسي والهجوس ارقود = مجاضيع في صدرٍٍ عنا الوقت ماضده
عليك وعلى دعواه زهر النجوم اشهود = اليامن غارات الدجى جات منهدَه
تجوب الضمير وتستبيحه بدون احدود = الين ان مفتول العزايم وصل حده
وجاء للمعاني في خشوم المزون ارعود = وقامت تواشى في سما الفكر محتده
وهلت على بيد الضما وازهر المردود = وانا اللي تجاهلت الطواريق من مده
بعد ما امتهنها الفج والمجحف النمرود = ورجم الغنا كلٍ تهقواه من جده
علام الضعوف استرسلوا فالردى ياسعود = وأنا اقصر وزلات الجهاهيل ممتده
طمع راعي الخمعات في حلمي المعهود = ولولا الترفع كان قد جاه ماسده
ترفعت حشمة لاتخاذل وضعف ازنود = ماابيها يابوفيصل تجي داخل البده
عذرت السفيه الغر واضحى السفيه العود = بغيته يرد الخايعة وانفرث سده
وانا اللي بذلت الجود والمنصفين اشهود = لكن الهزيل النذل وش تنتظر رده
وانا اقول للسيد واثني على المسيود = اهل هدةٍ ياويها فالقفا هده
سراب النيا والبعد ياهل القلوب السود = جزاكم وعن شوفتكم الصده الصده
وساع الفجوج وخوة الجرهد الممدود = ملاذ الكريم الحر عن هاته ووده
عن مصادم الجهال فالمحفل المشهود = بحجة حكيمٍ حجته تنقلب ضده
وانا وش مصبرني على مجلس المنقود = وعلى لجة الجهال حد الخبل رده
وش ارجي من الناقص وهو يدعي بالزود = لو النقص منه ومن حفيده على جده
خبيث الدغايل راعي الكبوة الممرود = رفيق الرخا اللي جوده الشمت فالشدة
لحى الله زمان المال خلى القرود فهود = وصار الهلامه مايشوف العرب قده
تجرى على سهج المجالس بدون قيود = ولا يرتدع مهما تلوحه على خده
تبجح بعد علَى رصيده معاش الخود = واشاد القصور وماقف اهل الوفا هده
ولويمدحه حامد ولو يمدحه محمود = يمد البخيل المد ماهوب من مدَه
وانا اللي بعرف اهل الوفا والندى مسنود = ونفسي بهم عن جملة الناس مستده
وانا ماامدح الهافين وابحث عن المردود = والبس وشاح القيل من لايجي قده
أماري براع الجود لوهو بعيد اجدود = خطاة ابلجٍ بابه عن الضيف مارده
بنى سمعته بالعلم والحلم والمجهود = تفانى وعلَى صرح الامجاد من كده
تسابق معاريفه لمن يطلبون الجود = كريم لو انه يبذل الجزل ماعده
وابن عمي الواقف اليا صار مامن فود = لياصار مال يديه فالطايلة شده
تجاهلت عرفه لوحدتني ليـــال الكــود = ولويعترض شبح النظر فيه مالده

شعر: عبدالله بن متعب السميح
عنوان رد ماجد بن عبودبن مغيرق ما بين السطور ضد الزهو والغرور

تهيضت يا طارق والامثال جــــــــــــن اورود = عادت من جديد لمنهلٍ من مناهلهــــا
بعد ما عزفت وجاوز العمر ست اعقـــــــــود = تفاعلت مع صوت اللـحون ومثايلهــــــا
على اثار بيتٍ قادني للمعاني قـــــــــــــود = يهز الشعور وله صدى في دواخلهـــــا
ما لوم السميح لو ضرب بالوتر والعـــــــــود = وبين نقاط الضعف وأفصح وفصلهــــــــا
ضرب في وتر حساس يفطن له المولــــود = وركز على ناسٍ تمادى تطاولهـــــــــــا
شرح عن شرايح فكرها مغلق ومحــــــدود = لا زال التخلف كامناً في معاقلهـــــــــا
أوادم بمظهرهــــا لكن الوعي مفقـــــــــود = مناظر كما الأشباح وابليس مشغلهـــا
هذا يعترض للحذف والنقد والمنقـــــــــــود = وذا يمدح ويقدح والآخر يوصلهــــــــــــا
وانا قبل ما اصدق وجاني خبر موكـــــــــود = من اوباش بعض الناس واقزام اسافلها
خبر ناش من حولي وانا ماني بمقصـــــود = ولكن وقعه فالعظام ومفاصلهــــــــــــــا
من اللي عسى قربه وعرفه ماعاد ايعــود = يزول وتزول علاقتي معه وأفصلهـــــــــا
أنا قلبي أبيض وأمقت أهل القلوب السود = ولا شفتها صديت عنها ما أجاملهــــــــا
ما أحب الخطأ لكن لاحك عودٍ عـــــــــــود = أوجه سهومي صوب الاعداء واقاتلهـــــا
أهدف وأثبت مضرب السهم والعبـــــــرود = لقص ألسنة غثاء المجالس واناملهــــــا
ولا همني غضب حميد ولاحمــــــــــــــود = ولاهمني هذر السواقط واراذلهـــــــــــا
بعضهم نحسب أنه رفيق وسند واعضــود = وتحملت زلات الهمج واتجاهلهــــــــــــا
لكن العفون اعفون ما للعفون أعهـــــــــود = وانا ما تزعزني دوادي مهبلهــــــــــــــــا
ولا فيهم اللي يحمل الرد والمـــــــــــردود = رعاع المجالس ما ينومس مقابلهـــــــــا
بعد لاح لي ما لاح بالأفق يا أبو سعــــــود = حبست القدم عن حي الأنذال وأحللها
وانامن سماتي ماأصحب الجاهل النمرود = وأحسب لمخراج القدم قبل مدخلهــــــا
بعد شفت لي ناسٍ تحب الظهور بـــــزود = تحب الظهور بزود والجوع قاتلهــــــــــــا
تنابز بالألقاب وتهارش تقول اقــــــــــــرود = وهي ذكرها خامل من أعصور أوايلهــــا
زماناً مضى يوم أشهب الملح والبــــارود = مال أجدادها شهره تثبت فعايلهــــــــــا
تقلد هل الطالات وأهل الوفا والجـــــــود = تبي المدح بالقوة لا شادة مراجلهــــــا
تبي المرجلة والمرجلة حبلها ممـــــدود = ولا كل من هام المراجل يحصلهــــــــــا
ترى المرجلة حض ونصيب وتبي مجهود = ماهي بالبشوت الشقروالشمغ واعقلها
مثل من خرج عن حده وحجمه المعهـود = وغره قرينه وقذفه في محابلهـــــــــــــا
سنحة رجل بالمظهر على منظره محسـود = مثل من نقل له شيخةٍ ما يليق الهــــا
راع المشلح الأشقر رماه بنكد وانكــــود = أبو شمسةٍ تجهر نظر من يخايلهـــــــــا
يمشي مشية الخيلاء كما الكاعب أم انهود = إليا جت تبختر تنتظر من يغازلهــــــــــا
ولاقلت له يا هن أنته من يابو ازنــــــــود = وش الكنية اللي في هويتك تحملهــــا
تفاعل وكأنه راعي الصارم المجــــــــرود = وهو نكرة مجهولةٍ من تسلسلهــــــــــا
رعاةٍ تقلد لبس الأجواد وآل اسعــــــــود = تزيت بزيا بالقدايم ماهوب الهــــــــــــــا
مظاهر علىلا شئ والنقص مثل الـــــــزود = والآيام تكشف عن خفايا خمايلهـــــــــا
شعارات براقة تبارق بدون ارعـــــــــــــــــود = سوات السراب لناظره في مجاهلهــــا
غلاظ القلوب الحاقدة مالها مقصــــــــــــــود = يكود اغتياب الفافل ونتب غافلهــــــــــا
جفاة الطباع اهل الحكي والنكد والكود = تثير الفتن بين الاقارب وتشعلها
حفاةٍ عراةٍ مثل عمال ابو هنــــــــــــــود = عاقلها الى حدث مثل عقل جاهلها
ماحدٍٍ سالم منهم حتى اللي كلاه الدود = تنبش قبور الميتين ونصايلهــــــــــا
مذاهب بعضهم مثل مذهب هل التلمــــود = وفيهم صفاتٍ من صليب وقبايلهـــــــــا
وأضن المرض بنفوسهم حاصل وموجــــــود = وعدواه منتشره وبانت دلايلهـــــــــــــا
وحل الغرور وصاب راس الولد والعـــــــــــود = وبان الخلل وسط النفوس وتخللهــــــا
هاذي خاطره غنابها ماجد العبــــــــــــــــود = توضح نقاط الضعف للقوم واعللهــــــــا
من أهجوس حره ماعليها حظر واقيــــــــود = أقابل خصومي وجه بالوجه ما أختلـها